قول الكلمة الحق إن شالله فى عين الجن وامشى خطاوى السكة المعدولة أوعى تكن أوعى تطاطى راسك فى الواطى تتذل ما تعرف فين ح توديك المطاطية ..... ده أنا يا بنى مرة طاطيت بوست الإيد النجسة المسمومة ومشيت .. كتفى ورا كتف الكلب بص الكلب وشافنى ضحك لى قلت: ياسيد وبقيت أوطى من الكلب كل ده يابنى علشان اللقمة الملعونة علشان سترة ولايانا ......... لا .. لأ يابنى لأ.. ملعونة اللقمة الملعونة ملعون اللى يطاطى يقول .. للكلب يا سيد وإن كان لك حاجة ف إيد الكلب قول له يا كلب!