لنالك عدل من طبعك وانوى التوبة وصفى النية وارحم ناسك وانصف شعبك م الذل وعيشته الفقرية غمضت عيونك وودانك سديتها وخليتها ف مية واديت لعيالك وولادك حق بيقلب مصر تكية ليه خليت شعبك يتبهدل نشفت بطنه من الطعمية والكافيار من برة يجيلك ملو الطيارة الروسية والناس شقيانة ومش لاقية لقمة عيش أو شربة مية حتى هدومنا معاك بيعناها مش ناقص غير التحتية إيه اللى يخلى الشعب يحبك لما تهينه شوية شوية وأما بتحرم شعب بحاله من حقه ف نسمة حرية والتعليم هنته ودمرته وصلت الناس للأمية والصحة اللى ف عصرك راحت م الفقر وتلويث المية والإعلام خليته ف عهدك ضحل وبيضلل يومية والرشوة بفضلك وبظلمك وصلت للخمسين والمية حتى النكتة ف بق المصرى خليتها ف حكم المنسية يخرب بيت العهد بتاعك مصر ف عهدك مش مصرية دايما باسم الأخت الكبرى وبفضلك ننهان يومية سيبت الدنيا بتضرب تقلب والناس من نارك مكوية غارت أيامك وسنينك من غير رجعة ومن غير دية شفنا الجوع والذل ف عهدك نسيتنا العزة المصرية ربك والحق إنك ظالم مابترحمش الشيخ والعالم تكتم أنفاسهم بالقوة من غير رحمة وأى مروة اللى ب إيده يولع نفسه واللى بيتجنن من يأسه من ظلمك ياسيادة الريس خليتنا نأيس ونهيس ولا الكرسى بيسحر صاحبه يلزق فيه وبيصعب سحبه وأما بتطلع منه اللزقة بيحس بذله وبالزنقة ويحس إن لظلمه نهاية وإن الحق ف إيده الراية يقرا لك حكمك قدامك ومعاك الحاشية وخدامك وتحاول طبعا تتملص ويخف الحكم ويتقلص بس وربك مش حاتخلص وتعيش الثورة المصرية