يا مصر قومى وهاتى أيدك إحنا النهارده يوم عيدك إحنا شبابك وجنودك هانكمل اللى إحنا بدأناه يا مصر قومى اغسلى وشك إحنا الولاد مش هانغشك ولا طمعانين نخطف عرشك نصرك يا مصر حياتنا فداه يا مصر يا شباب حر جميل يا أم الهرم والخير والنيل شعبك يا مصر شعب أصيل قومى بقوه واقفى وراه يا مصر يا أرض مدينتى يا رزق أولادى وبنتى انتى اللى هاتعيشى وانتى هاتكملى اللى إحنا بدأناه يا مصر يا أم (جمال) و(نجيب) يا أغلى حب وأغلى حبيب هواكى فينا قدر ونصيب ونشيدك إحنا اللى كتبناه يا مصر إحنا ولاد بكره إحنا المصانع والشجرة إحنا اللى عايزينك حرة إحنا معاكى آمل وحياه يا مصر قومى قيدى شموعك قومى امسحى يا مصر دموعك مقدرش اطلع من طوعك علشان بحبك حب الله يا مصر قومى ومطوطيش ماتصدقيش كلام الألاديش زيك فى كل الدنيا مافيش اسمك نزل فى كتاب الله يا مصر قومى ارفعى صوتك قومى ارمحى فى نور ملكوتك زهقنا من كتر سكوتك قومى امنحينا امل وحياه يا مصر ياللى ماليش غيرك ومصيرى مرهون بمصيرك فرح الولاد يوم تحريرك من اللى عقله عنك تاه يا مصر اوعى من الفتنة حب القبط فرض وسنة وحدتنا سندك فى المحنة إحنا سوى بنحب الله يا مصر يا أم (نجيب) و(زويل) يا أم الهرم على شط النيل يحلالى أقول فيكى المواويل وكلامى فى هواكى محلاه يا مصر يا عزم وثورة معاكى هانشوف نور بكره ومعاكى تخضر الصحرا ونعبد الخالق فى عُلاه يا مصر خيرك عم وزاد وكلنا بفضلك رواد هانعيشوا فى مثابرة وجهاد وهاننتصر إن شاء الله يا مصر إحنا ولاد أرضك خدينا يا بلدنا فى حضنك إحنا اللى هانعيش من أجلك ونكمل اللى إحنا بدأناه يا مصر أروحنا فداكي فداء ترابك وسماكي منين ما ترسى إحنا معاكى من غير ما نطلب مال ولا جاه يا مصر أحنا المصريين ولا خدنا مال ولا جاه ولا طين إحنا اللى على أرضك صامدين ومفوضين أمرنا لله يا مصر أحنا ولاد بكره هنعمرك وادى وصحراء نقطف ونديكى الثمرة ونزكى من اللى إحنا جمعناه يا مصر أوعى تعاتبيني فى صبر قلبى على سنيني أنا كنت عايزك تشوفينى والصبر عندى وصل لمداه يا مصر تعبك مش هيروح أنا من سوهاج وقنا ومطروح كنت فى هواكى أنا المجروح وأنا اللى كان فى إيديكى دواه يا مصر أنا جى أباركلك يا اللى مفيش فى الكون مثلك لو تأمرينى أبوس رجلك بهواكى والرزق على الله
