يا ولاد مصر يا مصريين اصحوا وفوقوا للأسافين طول العمر واحنا حبايب مسيحيين أو مسلمين يا ولاد مصر كنا زمان نعزم جارنا وهو كمان ولا يوم قلنا دينك إيه ولا نجيب سيرة الأديان يا ولاد مصر الدين لله والنيات يعلمها الله لمّا تقدم خير لبلدنا ربك أبداً ما حينساه خلوا الحب حر طليق خلو الورد فى كل طريق كلمة «مصرى» اللى بتجمعنا قادرة تطفى أى حريق يا ولاد مصر تعالوا نقرر م الفكر الهدام نتحرر وعشان خاطر مصر الغالية تعالوا نهتم بمصرنا أكتر مالناش يا ولاد غير بعضنا والناس بره بيشمتوا فينا فبلاش أزمة من غير لازمة تعالوا نشبك سوا أيادينا ممكن بس شوية نفكر كده راح نكسب ولا ح نخسر مصر بخير طول ما احنا بخير تعالوا نفكر نعلى ونكبر يا ولاد مصر ليكو تجارب لو تفتكروا مين بيحارب مين بيدافع عن أراضينا مين ع المدفع مين فى القارب مركب واحد شايل الكل تعالوا نفرشه ورد وفل مصر بلد الخير والحب طالبة المجد علينا يطل يا ولاد مصر يا مصريين لموا الشمل بلاش تسخين مسلم مسيحى ما بتفرقش حلوة علينا المصريين الهرم- الجيزة
