ليه دايما نحب الحب ونخاف الارتباط؟!! ليه دايما عايشين الوهم ولما نتجرح برضه نعيش الجرح؟! ليه دايما نحب نلعب فى الوقت الضايع؟! ليه بنيجى على نفسنا ومحدش حاسس بينا؟! ليه نجرى ورا اللى جارحنا وننفض للى شارينا؟! ليه دايما سهل نسلم قلوبنا لحد مدعيين الحب.. بس الحب عمره ما كان عطاء بس.. دايما أخد وعطا.. فليه دايما نحب أوى ندّى فى الوقت ده بس وبعدين نندم أن إحنا مخدناش لكن برضه بعد فوات الأوان؟! عمر ما القلب بيبقى مقفول هو دايما مفتوح وعمران بحب الناس بس تلاقيه فجأة ادلع ونفسه يحب زى العشاق ويقولك ده عاملنى كويس يبقى أكيد بيحبنى ويبدأ يعيش الوهم لغاية.... م فجأة يشوف الحقيقة ويعرف إنه كان فى وهم ويرضى بالأمر الواقع بس برضه يعيش الجرح.. طب ليه؟؟ ما هو عارف من الأول إنه كان وهم.. لااا ولازم يعيش الدور علشان يحسس نفسه إن لسه له قلب قادر على الحب والعطاء.. هه "العطاااااااء" بس فى حاجة مينفعش فيها غير الأخد والعطا.. بس هو إزاى لازم يسلم قلبه من غير ميفكر رايح على فين ولا هيرسى على إيه؟؟ وبرضه مش عارفة ليه؟!! المهم بقى إنه بعدها بيفوق بعد ما يكون ضيعله كده بتاع كام يوم إنه ماكنش كم سنة من عمره فى جرح.. وعدى.. ويرجع يعيد نفس الكرة من الأول وجديد وكأنك يا أبو زيد ما غزيت...هههههه!!! ولكن يظل السؤال قائم... وفى عقولنا جواب حائر ليه إحنا كده؟؟ وهنفضل كده !!!
