نفس الحلم اللى بشوفه يوماتى بقى حمل تقيل على قلبى أوى أنا عمرى ما شفت الخوف ف حياتى فى الحلم ده بس أنا دايما خايف أول ما بغمض عينى ألاقينى مسافر لوحدى فى قطر كئيب ناس مش عارفها ولا حاسسها وزحمة القطر وشكله غريب ناس نايمة وناس هايمة وناس سرحانة فى هم تقيل ملامحهم مش زى ملامحى ولهجتهم فيها عنف عجيب والله غريب القطر وناسه صوت القطر لوحده كئيب بيفكرنى بصرخة ميت بيموت تانى من التعذيب يصرخ قطر الحزن وقلبى من خوفه بيتهز ف جنبى قاعد بتلفت حواليا ونفسى أنام زى النايمين أو حتى أتوه زى التايهين وأخيرًا غمضت عنيا وسكت الصوت من حواليا ولقيتنى لوحدى ف شارع ضلمة وف آخره بنت جميلة بتضحكلى حسيت بالراحة فى ضحكتها وخوفى رااااح من نظرتها بس أنا خايف أقرب منها بنت جميلة تعيش ف الضلمة؟ يمكن جن ولا شبح ويكون قلبى بالوهم فرح بس اخترت إنى أقرررب حاسس بالخوف......... بس هجرررررب مديت إيدى بحب ولهفة وقربت منها وأنا فرحان مسكت إيدى وقامت واقفة ولقيت الشكل بيتغير نظرة عيونها دى تحير واختفت الضحكة فى ثوانى والشكل بقى شكل تانى ولقيتنى خايف من نظرتها مهزوزة إيدى اللى ف ايدها عايز أجرى مش عارف نفسى أهرب مش شايف كل اللى حاسه إن أنا خااااااااااااااااااااااااااايف بجرى ف شارع ضلمة لوحدى ودموع عنيا سبقانى وفجأة صحيت مرعوب من نومى وصوت القطر اللى قتلنى لسه سامعه ف ودانى
