أرسل القارئ، صبيح أبو يحيى، قصيدة تعبر عن غضب أهالى الصعيد ورفضهم لتصريحات تيمور السبكى أدمن صفحة "يوميات زوج مطحون"، بسبب تصريحات بظهور الخيانة الزوجية وانتشارها بين سيدات محافظات الصعيد، وأن نساء الصعيد يخن أزواجهن وهم فى العمل، والتى لاقت ردودا وهجوما واسعا على التصريحات المسيئة عن السيدات ورجال الصعيد أيضا، وقال القارئ فى قصيدته. إحنا الصعايدة نار قايدة ومبتطفاش وعلى زينا لو دورت متلقاش أصلنا خدنا من الجدود الحكمة ومن الأسود الشدة ومن الجمال الصبر ومن الجبال الجبر والفر فر من دنيتنا والكر كتب بقلمه حكايتنا إحنا رجال خدنا من المرجلة أكتر من كفايتنا ومهما غيرنا الزمن ما يغير عوايدنا ومهما طالت غربتنا عمرنا ما ننسا حبايبنا إحنا رجال بتتكون تركيبتنا من أصل وجود وهيبة ملهاش حدود وحزم وحنية وعزم وإنسانية ودم حامى كيف النار ولحم خلايا نسيحه مرارفى مرار وقيمه ووقار وأدب وغضب وزى الدهب إحنا بالجرام ولو كان للعزة ميزان إحنا الكفة وإحنا الدفة المركب عايمة فى بحر العفة الجارى جوه عروقنا إحنا رجال لو تزورنا حتلقى دروبنا عكس قلوبنا كلها خوف جرب مرة وإنت تشوف لو زرتها نوبة حتقول توبة وحتلقى بيوتنا طوبه مرجله وطوبه كرامة وسقفها المروءة وعمدانها الشهامة وسلمها الكرم وسطحها الزعامة إحنا رجال ياما كتبنا أسمينا على أبواب الدنيا بأدينا إحنا شرف للدنيا مش الدنيا شرف لينا لو على أرضها إحنا أسودها ولو فى سماها إحنا قمرها وإحنا نجومها وإحنا صقورها ولو فى بحورها إحنا حيتانها وقروشها شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع " برقم 01280003799، أو عبر البريد الإلكترونى [email protected]، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.