بقى صباح المشاكل والتأكل اللى صاب الناس اللى مش لاقيه تاكل والفقر اللى ملهشى حصر صباحك يا مصر بقى صباح معطر بالفقر والأحتياج صباح فطاره بدل الفول والفلافل بقى صباح إعتصام وإحتجاج صباحك يا مصر بقى صباح مليان بالأسئلة صباح سرطان الفساد والكلى .. اللى بتغسليها بمية مجارى معفنه صباحك يا مصر صباح شركات متعطله و صارت خراب معشش البوم فيها ومغطيها التراب صباحك يا مصر صباح مليان بالفزع صباح الأمان اللى إتنزع من قلوب المغلوبيين على أمرهم .. طول عمرهم صباحك يا مصر صباح ضحايا الخصخصة والعيال اللى قاعدة مرصصا على القهاوى لا شغله ولا مشغله عشان الكوسه والواسطة هى اللى بلدنا مترخصه صباحك يامصر كل يوم مبارك مفيش صباح لنور أو برادعى يعنى نفيش حد تانى فى إنتظارك صباحك صباح جمال والجمال دا مش إختيارك صباحك يا مصر صباح عتمه ونوره مش بيمر حتى زرعك طرحه الحلو بقى مر صباحك يا مصر صباح مسجون مش طليق ولا حر صباحك يا مصر زى صباح المُغنية لسه بتكدب على نفسها عماله تشد فى وشها مش عايزة تفهم إنها عجوزة محنية صباحك يا مصر صباح مفهوش أمل طول ما الوطن بقى أسمه وطنى والهلال مبقاش هلال طول ما معاه الجمل صباحك مصر صباح محفوف بالخطر بعد بساط الريادة والقيادة ما أتسحب من تحتك .. وأصبح هناك فيه دبى وقطر !! صباحك يا مصر صباح أسود وكوبيا لما تخافِ يقطعوا عنكِ شريان حياتكِ وتترعشى عشان السدود اللى اليهود بنوه ف أثيوبيا !! صباحك يا مصر صباح أكيد فيه مرمطه وزحمة وطوابير ودنيا ملغبطه صباحك يا مصر صباح مليان بالأونطه والى زاد وغطى إن اللى بيدن ف مصر زى اللى بيدن ف مالطة صباحك يا مصر