أطلق الفنان خالد الصاوى دعوة للحب والتسامح بين البشر، وذلك من خلال الجروب الذى أطلقه على الفيس بوك باسم "آسف أنى حذفتك ... تعالوا نفتح صفحة جديدة سوا"، الذى يدعو فيه الصاوى إلى نبذ التعصب الذى أصبح سمة بين الناس، فيقول فى تعريفه بالجروب "كتير بنتعصب، بنتعصب على بعض، أو بنتعصب لأفكارنا، أو بنتعصب عن العقل أى بنغمى عيوننا عنه، أو نفقد صبرنا ونقاطع بعض". ودعا الصاوى إلى إعادة التواصل بين الناس من جديد من خلال أرضية العتاب الرقيق المصحوب بشرح وجهة نظر الإنسان دون إساءة للطرف الآخر، فيقول الصاوى "لازم كل إنسان مننا يتفهم الإنسان التانى، وعفا الله عما سلف". واقترح الصاوى خلال جروبه أن يكون فى المستقبل جمعية تهدف إلى الصلح والتحكيم بين الإخوة المتخاصمين. وأطلق الصاوى دعوة لجعل أول إبريل يوما للاعتراف بالخطأ والمصارحة والعتاب الرقيق وليس للكذب والمقالب. قائلا فى الجروب "بدل ما أول إبريل مربوط بالكذب حنخليه يوم مصارحة رقيقة صافية، حنتصالح ونتعاتب ونتحاور ونوصل لحل وسط دايما يرضى الطرفين، وبرضه ما يصغرش الإنسان أبدا إنه يقول أنا غلطت وحقك عليا، بالعكس ده يكبره". ودعا الصاوى كل أعضاء الجروب للانضمام إلى هذه الدعوة بالتجمع على الجروب فى 1 إبريل الساعة الثانية عشر ظهرا قائلا "حنتجمع هنا فى الجروب ونسلم على بعض ونوصل اللى أتفك واللى أتكسر على قد ما نقدر". وحازت فكرة الجروب على إعجاب الأعضاء الذين انضموا للجروب الذين أكدوا أن التسامح والحب من أهم الأشياء التى تحتاجها الإنسانية، فتقول رحاب زيد فكرة جملية فعلا محتاجين نصفى نفوسنا اكتر من كدا، يمكن محتاجين نحب بعض أكتر يمكن محتاجين نستحمل بعض، ويمكن محتاجين نعرف الأول إزاى نفهم نفسنا علشان نقدر نفهم اللى قدامنا".
