لما تحس إن إنته لوحدك وبيجرى الدمع كتير على خدك ومحدش جنبك يسأل عنك عن أحوالك إيه إحساسك؟ لما تعيش إحساس جواك إن حياتك مش هماك وتسأل عنها يقولوا هناك تسأل تانى محدش جاوبك وتمشى حياتك وتروح منك يبقى هاتحسبك ليه أيامك؟ إيه إحساسك؟ لما تحس الأسوة دى سهلة وخدن أيديها وتعديها وتقويها وإن الفرحة راحت منك هنت عليها وسيبت إيديها وتلاقى فجاءة اتغير ناسك وتبقى الإيد ورا إيد على راسك إيه إحساسك؟ لما بتسرح ليل ونهار لما تشوف الفرحة مرار وتفكر تاخد أى قرار فجأه تلاقى الحزن قرارك إيه إحساسك؟ لما تحس عينك بتدور ع الإخلاص وكل ما يبقى الإخلاص باين يزيد جواك فى عينك إحساس ويشوف حبيبك ويقول خاين يبقى حنين مليان بالآلام ويبقى الحلم كمان أوهام يبقى لمين هاتعيش فى زمانك إيه إحساسك؟ لما النور لو جه بان يجرى يروح لما الفرحة تشاور بالأحضان ومعاها جروح لما الشوق يسمح للروح تبقى بعيدة وجوا خيالك إيه إحساسك؟ لما النور بيكون حواليك وجوا عينيك ومانتش شايف من اللى وراك أو مين أدامك إيه إحساسك؟ لما تحس إنك فرحان والضحكة ف خدك تجرى تبان وتعيش اللحظة تكون مبسوط وتيجى الفرحة تروح فى مكان وأنته كمان من غير عنوان وتبقى ف عتمة ومن غير صوت وشفت حبيبك عاش جواك وعارف إنه داب فى هواك ويبقى معاك دايما ف سكوت يبقى تعيش إزاى أحلامك إيه إحساسك؟ لما تحس الإحساس نكره ويبقى تعيش وتخاف من بكره جت فى خيالى مجرد فكره جت فى خيالك إيه إحساسك؟
