حملة مترميش علي الارض.. ابدأ بنفسك... مصر احلي جروب علي فيسبوك يتجاوز أعضاؤه1200 شخص.. مؤسس الجروب هشام السيد يقول علي صفحة الجروب:مش عاوزين نرمي علي الارض تاني عاوزين شكل بلدنا يبقي ديما نظيف و حلو, مش عاوزين امراض تنتشر بسبب القمامة. والحل اسهل ما يكون انك مترميش علي الارض.ناس كتير بتفتكر لما ترمي علي الارض ان دي حاجة بسيطة لا طبعا كل واحد لما يقول كدة و لما يقول هي جت علي انا لما ارمي علي الارض بنلاقي شوارعنا مليانة قمامة. ويقول محمد فوزي أحد أعضاء الجروب إوعي ترمي............ علي الأرض. تفتكر لو طلبت منك كلمة تكمل بها الجملة هاتكتب ايه؟؟ أنا شخصيا هاقول: إوعي ترمي كرامتك علي الأرض.. لا تكن سلبيا في كثير من مواقف حياتك بل كن إيجابيا ولا تتنازل عن كرامتك- في حدود الأدب والاحترام- وبكدة تجبر الناس علي احترامك وتحت عنوان كيس لكل مواطن! يكتب هشام السيد قائلا: ساعات كتير تمشي في شارع بلا صندوق قمامة و انت معاك حاجة عاوز ترميها تعمل ايه؟ في ناس تروح رمياها في الارض و تقول خلاص ده مش ذنبي ان مفيش صندوق زبالة.. لكن في حل تاني هو انك تحط الحاجات اللي عاوز ترميها دي في كيس و تفضل شايله لحد ما تلاقي اقرب صندوق قمامة.