مصر ممكن تتوجع حبة ألم بس مش ممكن تموت لما تلاقى جندى من الجنود، يودع زميله ويرجع يموت لما تلاقى الواد عريس ماسك علم ع الحود راجع شهيد والعلم فوق التابوت تعرف إن مصر مش ممكن تموت لما تلاقى دموعك موجوعة وفى قلبك حسرة مسموعة وعيونك نجمة مرفوعة وتقول مصر تعرف إن مصر مش ممكن تموت لما تسمع بموت أخوك ودمه بيترسم بيه الحدود وهو بيحمى ضهرك يحمى شرفك يحمى عرضك يحمى أرضك من اللى باعوا واللى خانوا واللى غدروا وعمرهم فى يوم ماكانوا مننا ولا كنا منهم ولا كان ليهم فى يوم عهود تعرف إن مصر مش ممكن تموت عارف لما تلاقى دم جنبك فى المكان تسأل دم مين؟ يقولك دم إبنك دم أخوك دم جارك دم أبوك تقول فدا مصر كلنا لازم نموت تعرف إن مصر مش ممكن تموت مصر مش ممكن تموت ياللى خونتوها وبعتوها وقسمتوها وإفتكرتوها بيعه و شروه وافتكرتوها فى يوم مقاوله واللى يخونها أكتر يبئى بيها أولىّ خانكم غباءكم وأفتكرتوا شعبها بزيت وسكر ممن يبيعها أو فى يوم ممكن يسيبها إن صور لكم فى يوم غباءكم بعد ماطلعتوا من الكهوف وبالدقون والذبيبه تاخدوا بلده دا مستحيل يحصل ياخرروف تبئى واهم تبئى حالم حتى لو الجمل من سم الإبرة ممكن يفوت شعبها ممكن يجوع ممكن يموت بس مصر لا يمكن تموت لو تعرفوا قيمة ترابها كنت وقفتوا كالصقر فوق جبالها بس الخاين مينفعش فى يوم يبقى جنود لأن جنودها هما أولادها مش مرتزقة ولا إخوان ولا خاين ولا جبان ولا عميل لأمريكان ولا قطرى ولا صهيونى ولا تركى ولا خنزيرى علشان كده مصر مش ممكن تموت مصر جيشها هما ولادها اللى دمهم يرسم حدودها واللى حافظين مكانتها و دايماً رافعين رايتها وملهمش رايه غير علمها وعشان كده مصر باقيه ممكن تتوجع لكن مش ممكن تموت الله .....الوطن ....حق الشهداء ..... الثورة
