سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
جميلات المونديال يثرن غيرة المصريات على تويتر..حواء تعلن الحرب على آدم:مفيش داعى للمقارنات ولو اتكلمنا هتزعلو..والشباب:إحنا مصاحبين غفر..والبنات:مش شايفين جورج كلونى يعنى..وناشطات:معاكسة المشجعات تحرش
"زى القرع يمد لبره" عن شباب مصر أتحدث، هذا المثل الذى أبدت به فتيات مصر غضبهن من الرجال منذ بدء فعاليات كأس العالم، المُقامة بالبرازيل، فى الفترة من 12 من الشهر الجارى، والذى لم يشغل معظمهن سوى جميلات المونديال أو "مزز المونديال" كما أطلق عليها الشباب. واستطاعت "بنات المونديال" خطف الأضواء من اللاعبين، لتبهر الرجل المصرى على حساب البنت المصرية، الأمر الذى دفع الفتيات للتأكيد على أنها أجمل من الفتيات العاريات المشجعات للمونديال، وظهرت هذه المعركة بشدة عبر مواقع التواصل الاجتماعى "فيسبوك وتويتر" وعلقت إحدى الناشطات قائلة: مش شايفين جورج كلونى يعنى عشان تتريق علينا. وتداول نشطاء صورة لجميلات برازيليات يقبلن كأس العالم، ومعها تعليق للفنان محمد سعد يقول "أبوس معاكوا"؟ فيما لم تسلم الفنانة فيفى عبده من قفشات نشطاء الفيس بوك بعدما ظهرت ببرنامجها مرتدية تى شيرت البرازيل، وجاء تعليق الصورة التى تجمع فى أولها النجم البرازيلى الأسطورة بيلية، ومشجعة برازيلية وهو يقول " لذلك لعبت الكرة"، وفى الصورة نفسها من أسفل بيليه يرى فيفى عبده ويقول : " عشان كده بطلت كورة". من ناحية أخرى دشن بعض الشباب عدة هاشتاجات مثيرة لاستفزاز البنات من بينها "مزز كأس العالم" و"مزز المونديال" و"بنات المونديال"، لتصبح حديثهم على صفحاتهم الشخصية مع تداول التعليقات الساخرة من البنات. فى المقابل علقت فتيات على هذا الأمر قائلين: عاجبينك أوى بنات المونديال نزل أمك أو أختك أو زوجتك بالمايوه فى الشارع" ، وعلقت أخرى: "ارحموا بقى البنت والست المصرية عشان فعلا هما أجمل واجدع ستات الكون". وقالت أخري: بالنسبة للى هيموتوا على مشجعات المونديال والله العظيم البنت المصرية أجمل وألطف وأجدع بكثير خلوها بس تشم نفسها شوية !، واعتبرت فتاة ثانية معاكسة الرجل لمشجعات المونديال تحرش ويجب معاقبته عليه وعلقت أخرى ساخرة : " الرجالة الشرقيين بيتحسروا على جمال بنات المونديال، لكن لو واحدة من النساء اللى فى حياته قلعت ربع هدومها هيطين عيشتها، ووجهت أخرى حديثها للشباب قائلة: بالنسبة للحلوين اللى معجبين أوى بالبنات اللى بيشجعوا فى كأس العالم وقرفانين اوى من البنت المصرية، م تبص ع نفسك يا أمور أنت وهو فى المراية الأول. ومن ناحيتهم رد الشباب على تعليقات البنات قائلين: هو اية عقدة النقص اللى عند البنت المصرية دى ليه شايفة نفسها مضطرة تدافع عن جمالها لمجرد أن فية بنات حلوة فى بلد تانية، مفيش كائن بشرى مبينجذبش للجمال. وقال آخر ساخرا: "يا أخواننا البنت المصرية والمرأة المصرية ملهاش لا فى السياسة ولا فى الكورة بس أهى بتقلد وخلاص ، وإحنا مضطرين نستحمل عشان مفيش بديل مش اكتر". وأضاف آخر ساخرا: "بعد ما شوفنا الستات اللى فى المونديال لازم بنات مصر ينتحروا، كل العالم بيتفرج على كأس العالم إلا شباب مصر بيتفرجوا على بنات المونديال. ودعا أحد الشباب إلى تدشين حملة " قوم أمك ومراتك من قدام التلفزيون" ، وأنت تتفرج على كأس العالم، وعلق آخر ساخرا من البنت المصرية قائلا : وجايين زعلانين علشان عاجبنا بنات المونديال يا بت الواحدة من دول برقبتك وعادى لو واحد مصرى أتجوز أجنبية منهم عادى يعنى، كل اللى هايقدمه خاتم وشقة إيجار "هايشتركوا فيها مع بعض" مصروف البيت هايشتركوا فيه مع بعض ، وهيا خد واحدة قمر كده قمر ولوحدها ، كمان مش هياخد معاها أمها وبنت خالتها اللى جالها شقة ع البحر وشبكة من داماس ومهر تريليون جنيه.. لكن هل أنتى ممكن تتجوزى واحد أجنبى؟ ، ده لو قبل يبصلك أصلًا مش هايستحمل حوار الشقة والمهر والإفتكاسات دى وهيطفش يا بايرة . موضوعات متعلقة بالصور.. حسناوات المدرجات تنافس جنيفر وكلاوديا فى افتتاح المونديال بالصور.. "فيس بوك" يبرز استعداد جميلات العالم لمونديال البرازيل.. والحسناوات يتنافسن فى التزين بألوان بلادهن.. وانتشارهن ساهم فى سرقة الأضواء من نجوم الكرة داخل الملاعب
