وأول كلمة فى جمالك بتفاحة على الخدين وسِنارة وأحلى وش فى الحارة وضحكة عايشة فى قلبى بغمازتين سؤال دايما مِحيرنى أشوف زى الجمال ده فين .................... وكانت لهفتى كبيرة تشيل شوقى مع حروفى وكانت فرحتى بيك بترقص ويا أحلامى وتعمل كعبة وتطوفى لكن ما أعرفش فى لحظة ليه ظهر خوفى .................... لقيت حواليك غجر واقفين واحد قاعد بيضرب فيك واحد تانى شايل سكاكين واحد طماع وما بيشبع ولو سارق جبل فدادين واحد واكل حقوقك أكل و ناس حواليه ولاد ستين واحد خداع واحد غشاش و جاى عامل سِتارُه الدين .................... يا ناس الضرب فيها حرام حرام دا الغالية من يومها تصون العشرة و كلامها وشكوتها و أنتها ولا البراكين ودلوقتى عرفت أنا ليه بطولك نهر وبحر كبير على الجنبين دموع الغالية دى وفايضة وزايده بتجري وبتروى دموع شطين ...................... خلاصة القول يا غالية الحب مش كلمة ولا قعدة ولا سطرين يا غالية الحب انى افديك بدال الروح اكون بروحين و انى احب كل ما فيك و رغم ما فيك ورغم الحزن ورغم الخوف بشوفك احلى عود ياسمين