الحالة الوحيدة التى توقع فيها شيك على بياض فى الفشل هى الاستسلام، معنى إنك تستسلم إنك وافقت ضمنيا على أى وكل حاجة ، يعنى ببساطة لا إرادة، لا حماس، لا قوة، لا عمل، لا أمل، لا أى شىء خالص. إنك تستسلم يعنى إنك اعترفت بفشلك، إنك تستسلم مش بس إنك اعترفت بفشلك، لا ده إنت كمان هتبقى وثقته بشكل رسمى بختم الاستسلام. إنك تستسلم يعنى إنك فقدت الأمل، ومعنى إنك تفقد الأمل يعنى هتفقد العمل، ومعنى إنك تفقد العمل يعنى هتفقد كل شىء. وعلى العكس من كده، إنك ترفض الاستسلام، يعنى إنك تنجح وتعترف بنجاحك وتوثقه بختم رسمى، وهو ختم الإصرار، إنك ترفض الاستسلام يعنى إنك ترفض الإحباط والذل والانكسار. إنك ترفض الاستسلام يعنى معك إرادة، قوة، أمل، عمل، يعنى معك كل شىء، وإنك ترفض الاستسلام يعنى ببساطة قصة نجاح مكتملة الأركان. خلى بالك.. الفرق بين الاستسلام ورفض الاستسلام هى كلمة، وهى "لا"، بدلا من استسلم تبقى لا استسلم، ولا دى تتحق بالإصرار والتحدى، وإنك تعمل كل لحظة وكل يوم حاجة واحده تؤكد كلمة لا استسلم. وأخيرا الأمر يرجع لك، اختر الكلمة المناسبة لك، وكن رجلا وتحمل نتائجك.