الله يرحمك ياعبدالناصر..كنت فعلا لمصر زعيم وعليها أمين هتعيش في قلوبنا مئات السنين. وحلمنانلاقى زيك زعيم قلبه يكون على كل المصريين.. وبيضرب بايد من حديد على الخاين والعميل..واحنا ياعبدالناصر هنلاقى زيك فين..والله بندعبس عليك في الشوارع والميادين نفسنا يطلع مننا واحد زيك.. زعيم ،،وده حلم كل المصريين وربنا قادر يحقق لنا الحلم الجميل.تعرف يازعيم احنا ليك أوى أوى.. مفتقدين.ودايما فاكرينك في اليوم الحلو واليوم... الحزين. هتقوللى إزاى يابنت الناس الطيبين... .فاكرينى في اليوم الحلو واليوم الحزين...هاقولك... يازعيم..يااللى كنت سند للناس الطيبين المساكين... ...وخليتهم يحسوا إنهم مصريين..وليهم حق في.... الأرض والصحة والتعليم.ووزعت على الغلابة... فدادين..وبنيت السد العالى آخر النيل لجل يخدم... كل المصريين وعلى إيديك دخلت الكهربا كل بيوت. الفلاحين بنائك للسد العالى كان أكبر خدمة لكل.. المصريين بيحمى الطين من الفيضان اللى كان.. اللى كان بيغرق كل الأراضي اللى على شط النيل. .وأممت قناة السويس وأخدتها في غمضة عين من. الأجانب الملاعين.. اللى كانوا في دمنا ماصين.. وعلى قلبنا قاعدين وفى خيرنا شافطين ؟ خلصتنا منهم يازعيم..وعملتنا دستور يحفظ حق كل المصريين. مسلمين ومسيحيين..وفى مشاكلنا كنت عايش ليل. نهار وبتفكر وحزين..إزاى تخلينا ناس متفوقينا... ولحياتنا فاهمين...وفى طريق النجاح ماشيين... شوفت بقى يازعيم احنا ليه ليك دايما مفتقدين.. وبندور عليك في كل المصريين...وفى اليوم.. الحزين نبكى ونقول لو كان عايش وسطينا جمال حبيب.. الملايين..كنا رمينا حملنا عليه وعارفين ومتاكدين.. إنك هتشيلنا في اليوم الحزين...طب تعرف يازعيم.. من كام يوم كده اضحك علينا احنا المصريين؟! من.. شوية تعابين..ال وايه دخلوا علينا باسم الدين!!.. .وفى حكمتك كنا ناسيين..يوم ماقولت لا أمان.. للإخوان المسلمين..بس طلع لينا بطل شارب من.. النيل ..وشايل لمصر الجميل..مهو ظابط أمين طالع من.. جيشنا يازعيم وخلصنا من تجار الدين اللى كانوا.. هيدمروا المصريين...يوميها كانت فرحت كل.. المصريين واتمنيناه يكون زيك زعيم..وشوفناك في. عينيه..يومها كلنا جرينا عليه قولنا يمكن رجعلنا.. جمال عبدالناصر. وكنا من فرحتنا مش مصدقين أن ممكن يطلع لينا تانى زعيم ويعيش في تحت رايتك وسندك الملايين ويكون عشيق لكل المصريين ؟؟ياريت.. . نلاقى زيك زعيم ساعتها هنعيش مرتاحين مطمنين وعلى بلدنا مش خايفين..أملى في ربنا كبير إن شاء الله هتولد في مصر زيك تانى