استنكر الرئيس الأسبق حسني مبارك، الموقف الأمريكي الأوربي من 30 يونيو واعتبارهما ما حدث انقلابا وليس ثورة وتبنيهم وجهة نظر الإخوان. وفي تسجيلات صوتية انفردت بنشرها الزميلة "اليوم السابع"، يقول الطبيب الخاص لمبارك: "لا يزال موقف أمريكا والاتحاد الأوربي غريبا من اللي بيحصل".. فيرد مبارك "لا ما أمريكا هي اللي عاملة العملية دي كلها.. أوباما كلمني يوم 1 فبراير قالي ما تسلم السلطة رحت هبشت فيه قولتله إنت تعرف الأمريكان أكتر ما أنا أعرفهم وأنا أعرف المصريين أكثر ما إنت تعرفهم وبعدين أنا أنفذ اللي الشعب عايزه مش أي حد تاني". فيوضح الطبيب "موقف السعودية طبعا دهب الملك عبدالله دهب دوول حتي إمبارح أثروا علي دول كتير حتى الأمير سعود الفيصل وزير الخارجية".. قاطعه مبارك "راح فرنسا بيقنعهم".. فأجاب الدكتور "آه إمبارح الأمير سلطان حاكم الشارقة بالإمارات كان بيعيط قال، أنا بعز البلد دية جدا واتربيت واتخرجت في كلية الزراعة وعارف يعني إيه الجيزة ومصر.. كلام درر ذهب كلام خلاني أعيط والله وإحنا من غير المصريين مننفعش". رد مبارك، "آه هو بيحب مصر وهو اتبرع للمجمع العلمي وعنده نسخ من المخصوطات فيه وقال إن المشكلة مع رجال الأعمال في دورهم الاجتماعي يعني في الجيزة فيه 18 منطقة عشوائية واتكلم عن المنوفية إن ليهم فضل عليه أنا بقيت مبسوط اتكلم ييجي حوالي 10 دقائق عن المنوفية اللي كانوا بيروحوا زيارات وييجوا بيجبولنا زيارات وبتاع وهما اللي علمونا وهما مش عارف إيه.. ده اتبرع لجامعة القاهرة ب 10 ملايين".