سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
بالفيديو.. نشطاء "تويتر" يسخرون من فيديو استشهاد عبد الرحمن عز.."نوارة نجم:"المغير وعز" عندهم عقدة "نقص اهتمام".. إيهاب: المعركة كبيرة عليه فعمل نفسه ميت.. رامى.. يمكن الشاطر يصرفله بدل موت
تداول نشطاء موقع "تويتر"، اليوم الخميس مقطع فيديو يعرض لحظة استشهاد الناشط السياسي عبد الرحمن عز، والذي تم نشره على موقع اليوتيوب منذ أيام ثم أعقبه قيام صفحته على موقعي الفيس بوك وتويتر، بنشر تكذيب للخبر، ونشرت صورة حية له من ميدان رابعة العدوية وسط المعتصمين. هذا الفيديو أثار سخرية نشطاء موقع "تويتر"، وخاصة بعد أن دشنت نوارة نجم الناشطة السياسية، "هاشتاج" جديد باسم "ليه عبد الرحمن عز عمل فيديو بيمثل ميت". وعلق النشطاء على ذلك، فقال "إيهاب فهمي: "اللى زى دا بيلاقى المعركة كبيرة عليه فبيعمل نفسه ميت أو يجرى، عيل سيرس مفيش كلام". وقالت "سماء:" ده حتى أدائهم مبالغ فيه، المفروض قبل ما كانوا يعملوا الفيديو ده ياخدوا كورس تمثيل الأول عشان يتصدقوا"، وعلقت دينا:" عليه فلوس لأم عبير وعايز يضرب عليها أكيد". أضافت "أسماء": "تلاقيه شال ماده فقال اعمل نفسي ميت يمكن اصعب على أبويا ويسيبنى". وقال "رامي": أنا بالهاشتاج ده عرفت قد إيه عبد الرحمن عز محبوب حيا أو ميتا". وتابع "رامي": يمكن الشاطر يصرفله قرشين يعني بدل موت مثلا". "هنوما":" ده كان بيحرك بقه وبيتنفس وهوه ميت.. الموضة الجديدة في الموت". "محمد": "يا جماعة متظلمهوش يمكن الفتيون ده الجزء التاني من إعلان لبنيتا بتاع البقر". "ابن ناسا":" علشان الناس تديله لقب المرحومية.. الله يرحمه مات مرتين قبل كده.". وقالت نوارة نجم: "بعد كده لما تحب تعمل نفسك ميت ما تموتش وتفضل تتنفس.. ملاحظات على الأداء". وتابعت:" من المؤكد أن المغير وعبد الرحمن عز عندهم نقص اهتمام وكانوا بينضربوا في المدرسة وبيطلعوه علينا". وعلق "عمر": "العيال دى لازم يتعملها جرسة كبيرة هههههه في التليفزيون.. وبعدين ده إسعاف الدولة يعنى قضية لازم قضية". وكتبت "آية":" يا جدعان ظلمتوا الراجل كان بيقلد علاء ولى الدين في فيلم الناظر مش أكتر سيبوه ياخد فرصته".