يتعرض كل شخص منا إلى مواقف لا تنسي مع والديه، تكاد تحفر في الأذهان من شدة تأثيرها على مجرى حياته، سواء كان هذا التأثير إيجابي أو سلبي. سألت "فيتو" الشباب والأطفال "موقف حصلك مع أمك وأبوك مش هتقدر تنساه"، وجاءت الردود كالتالي: يحكى الطفل محمد: "كنت ماشي مع ماما وشخص عاكسها قدامى فوقعته من على الموتوسيكل اللى هو راكبه وجريت". بينما يروى عماد: "الحاج بيغير مني لما أبوس أمي قدامه بس ده شيء كويس أنه بيغير عليها، وياريت كله يعمل كده". وأضافت منة: "مش هنسي يوم نجاحي أمي حضنتني وعيطت من كتر الفرحة". ويقول عبدالله: "كنت صغير وبشرب حشيش وسجاير من ورا أمى وأبويا وهما برا البيت، وفجأة داخلوا عليا في يوم وأنا نايم والحاجات جنبي".