كشف هاشتاج "عشان تعيش في مصر لازم" عن حالة من الإحباط يمر بها أفراد المجتمع المصري، حيث تصدر الهاشتاج، الذي دشنه رواد موقعي التواصل الاجتماعي "فيس بوك" و"تويتر"، تراند مصر على تويتر، ليؤكد المصريون على ضرورة أن يتخذوا من الصبر طريقا لهم لتحمل ما يحدث بمصر، والبعض ذكر أن هناك فئات محددة هي التي يمكنها أن تعيش بمصر الآن.. روشتة الحياة في مصر قدمها عدد من نشطاء مواقع التواصل الاجتماعي. أيوب قال هاني كاشف: "عشان تعيش في مصر لازم تكون أيوب"، وأضاف محمد غريب: "عشان تعيش في مصر لازم تتوقع الأسوأ دائمًا". وعلق عمرو عيد: "عشان تعيش في مصر لازم تلبس كوتشي أبيض ويتبهدل"، ورد أول نملة: "عشان تعيش في مصر لازم تكون عاصرت جيل العظماء.. ولازم تشتغل اشتغل لحد ما يتقالك أنت الفلوس غيرتك.. تخسر أي حاجة تخليك ضعيف.. أخسر أي حاجة تكسرك القوة بتيجي لما ما يبقاش عندك حاجة تخاف تخسرها". وتابع ميزو فتحي: "يبقى معاك المؤهلات اللى تخليك تعرف تخرح منها.. عشان تعيش في مصر لازم". راجل بجد وقال أكرم باشا: "عشان تعيش في مصر لازم.. لازم تبقى راجل بجد مش عيل ما يتحملش مسئولية"، وأضاف مصطفى محمود: "عشان تعيش في مصر لازم يكون أبويا وزير أو لواء أو تاجر حشيش أو لاعب كورة". وعلق هشام: "عشان تعيش في مصر لازم تكون منمر على مدافن محترمة"، ورد محمد السويري: "لازم تكون قرد تعيش تنطط ع خلق الله وملكش دعوة بالحكومة أحسن تعيش أرنوب". وتابع وائل ياسين: "لازم حازم.. لازم حاتم.. أهو أي بلطجى ينفعك في الأيام السودة دى". مخ زيادة وقال العميد بوكتور: "معاك مخ زيادة ومرارتين علشان هتحتاجهم.. عشان تعيش في مصر لازم"، وأضاف إسلام لوكا: "عشان تعيش في مصر لازم يبقى معاك فلوس كتير". وعلق محمد عز: "عشان تعيش في مصر لازم تعمل اللي يريحك ولا تشغل بالك بالناس تكون نفسك مش عشان ترضى حد"، ورد مهند عباس: "عشان تعيش في مصر لازم فلوس كتير وواسطة". وتابعت نيسا كيوت جارل: "عشان تعيش في مصر لازم تكون مصري بكل ما تعنيه الكلمة". تبقى قوي وقال إسلام صلاح: "عشان تعيش في مصر لازم تبقي قوي"، وأضاف مجدي دنيا: "عشان تعيش في مصر لازم صبور يا عبد الصبور"، وعلق أسامة محمد: "عشان تعيش في مصر لازم تبقى زي كده يا سيد قوي الشكيمة.. أنت قوي الشكيمة"، ورد أشرف النوام: "نشوف شغلنا كويس ونبعد عن الفهلوة واللي شايف غير كده يفرجنا جمال خطوته أو الباب يفوت جمل.. عشان تعيش في مصر لازم". وتابع ماجد غريب: "عشان تعيش في مصر لازم تموت كل يوم مية ألف مرة".
