كان عيد سعيد.. دبحوا الخروف في أحلى عيد وقعدنا نضحك كلنا ونقول يارب د يوم سعيد قلت لمراتي أكلنا لحم خروف أكيد كباب ومشوي بالهنا في سيخ جديد 000000000 أنا نفسي آكل من زمان لحمة كباب باشوفها عند الحاتي أو صورة بكتاب أقول يارب أجيب خروف وبدون حساب ناكل ونشبع زي ناس فوق السحاب 00000000000 والليلة حلمي صبح حقيقة مع الخروف فيه لحم أحمر والدهون مع جلد صوف ومراتي بتقول للجيران دقوا الدفوف فيه عندنا للعيد خروف قرب وشوف 0000000-000 كل الجيران قالوا لمراتي هو فين وقولي للناس كلها جبتوه منين قالت لهم جوزي اشتراه من أسبوعين ودبحه في العيد والعيال به فرحانين 00000000000 أنا قلت لمراتي اعزمي كل الجيران قولي إحنا دبحنا خروف لنا وسط الميدان وانسي زمان الشقا والبؤس والحرمان كان نفسنا في اللحمة ترجع من زمان 00000000000 فجأة مراتي قالت لي اصحى ياكسول إنت بتحلم بالخروف عمال تقول إنك دبحت خروف وبتدق الطبول قوم أصحي فوق أنا جبت لك طعمية سخنة وعيش وفول