نفسي أشوف يوم برامج تكشف المستور وتقول لنا ع الحقيقة في الوضوح والنور لكن بدون ابتزاز ومخادعة للجمهور والشعب يقدر يميز بين خداع أو زور 00000000 مش كل حبة المذيع يجيب لنا مخاليق بتقول كلام في الهوا بمنظرة وزعيق والناس بتضحك عليه.. من العدو لصديق وهو فرحان بصورته وصوته في تحليق 000000000 بعض البرامج سخيفة ساذجة فيها حاجات تسد نفس المشاهد كلها حركات تهريج وأفعال مثيرة من رجال وبنات وإن قلت عيب مش كدا.. يقولوا فيه رقابات 0000000 فيه مجتمع له تاريخ كل الشعوب عارفاه له فكر في المعرفة الكل يتمناه لكن ما فيش حد عايز يبقي عنده قناة فيها علوم أو آراء لمجتهد ترعاه 000000 لكن برامج كتير للرقص والتطبيل فيها تشوف العجب في ضيافة المهابيل ومقدمين للبرامج روعة في التمثيل والكل سهران وقاعد فرجة طول الليل 000000000 أنا نفسي أعرف بقي إيه راح يفيد الناس الفن لازم يكون فيه توعية وإحساس وكل صاحب قناة ندق له أجراس نقول له راعي مشاعر شعب له حراس والقكر بين الجميع لازم يكون له أساس
