يا تكون محظوظ يا تكون منحوس.. حظك عندنا فى هريدى نيوز.. ولو بختك طلع مايل.. أوعى تضرب بوز.. الحمل قال يا فرعون إيه فرعنك ..ما لقتش حد يلمنى .. ويا حمل إيه طمنك ما لقتش إللى يهزنى صحيا : النوم علينا حق و توفير لكهرباء المخ الثور لاقينى ولا تغدينى خلى ده ادام عنيك النهاردة ومش كل المشاكل بتتحل بالمحشى و الملوخية صحيا : أكل الكتب يؤدى الى اضطراب فى الدورة المخية ..العب شوية الجوزاء التراجع مش هينفعك بحاجة و الوحدة أحيانا بتكون مفيدة خاصة لو فى الشغل ..ما تغنيش ظلموه صحيا : التورتة والجاتوه و الشيكولاتة عامل مؤثر فى حياة كل إنسان السرطان الصاحب له عند صاحبه غدوة ونومة والانقاذ وقت هجوم الحكومة ..لكن مالهوش انه يتدخل فى صراع ممكن يجيب أجله . صحيا : الدنيا ربيع والجو بديع قفل على كل المواضيع .خدعوك فقالوا إن الورد ممكن يخليك احسن الأسد أسد صحيح لكن خليك ادام مديرك قطة واستقبل منه النصيحة بصدر رحب حتى لو نصحك تلبس البنطلون بالمقلوب صحيا : هات كريم تسلخات بما انك ممكن تلبس البنطلون بالمقلوب العذراء استثمارات وأرباح فى زمن اللى جاى فيه مش احسن من اللى راح . حبيبك مش راضى عنك فكر تعمله مفاجأة رومانسية صحيا : قال خد المجنونة بنت العاقلة وما تاخدش العاقلة بنت المجنونة عشان أمها ما تجننكش الميزان يا واد يا تقيل يا مجنن كل الأبراج بحلاوتك ..النهاردة يوم رائع بس انت بلاش تشرب مية كتير صحيا : الهواء بيطفى النار بس ساعات بيزيدها .. خليك زى الهوا العقرب سوبر "عقرب " تقدر تعمل المعجزات من غير خاتم سليمان ولا طاقية الاخفاء بس انت حاسب من الحاسدين والحاقدين القوس خبر يفرحك وهتحتفل بيه وعبء وأخيرا خلصت منه ..مشروع جديد بس لسة ادامك وقت على ما تفك عقدة الخواجة اللى جواك ..دلع نفسك قبل ما يجى اللى ينافسك صحيا : بعد ما عشت وقت طويل فى النتخة الشغل هيتعبك حاول تحتفظ بجزء من كسلك الجدى طموحك فى السما عالى وعدوك الوحيد الاحباط والكسل وحبيبك عايز يفك من خنقتك عليه شوية اديله احساس بالحرية وطرى على قلبك بعصير قصب صحيا : زيادة فى الوزن لن تتخلص منها الا بعد وقف نزيف العجائن فى معدتك الدلو أخيرا هتشوف نتائج تعبك وتمغيص حياتك الفترة اللى فاتت . والرجل الدلو من الممكن إنه يقع فى حب الست " الكنكة " صحيا : كل ما تتعب ساعتين ترتاح عليهم يومين .. يا بخت من كان المدير خاله أو عمه الحوت فرصة جديدة إمسك فيها بايديك وسنانك واصبر على زميل "السو " يا يرحل يا تيجى نهضة تاخده صحيا : البعد عن الشر غنيمة والبعد عن البحر غنيمة و البعد عن السكر غنيمة الغنايم
