انتابت نشطاء مواقع التواصل الاجتماعي "فيس بوك وتويتر" حالة من الغضب المشوب بالحزن، نتيجة ارتفاع أسعار المواد الغذائية والأدوية، وخاصة مع قرب شهر رمضان الكريم. ودشن النشطاء هاشتاج "الأسعار بتقتل الشعب يا سيسي"، الذي جذب عددا كبيرا من النشطاء متصدرًا تراند مصر على تويتر، وبعث النشطاء- من خلال الهاشتاج- برسالة للرئيس عبد الفتاح السيسي، أكدوا فيها أن الأسعار أصبحت تؤرق المصريين، وتكاد تقتلهم. "الناس بتعافر" وقال يوسف المصبحاتي: "الناس كل يوم بتعافر علشان تقدر تعيش يوم زيادة.. الناس ملامحها بقت بهتانة من التعب والذل اللي بيشوفوه كل يوم ارحموا من في الأرض يرحمكم من في السماء.. الأسعار بتقتل الشعب يا سيسي". وأضاف محمود: "الأسعار بتقتل الشعب يا سيسي.. فيها إيه لما الفراخ تبقى ب30جنيها واللحمة ب90جنيها وفيها إيه لما يموت الناس من الجوع...". وعلقت منى منمون قائلة: "بالنسبة للناس اللي معاها مش فارقة لكن؛ الغلابة هيعملوا إيه واللي على قد حالهم.. الأسعار بتقتل الشعب ياسيسي". ورد بيلي مان:" الأسعار زادت في كل شيء انزل اشتري حاجات رمضان.. مش هقولك تمر ولا يميش.. فانوس للواد الصغير هتلاقيه ب 50 جنيها.. الأسعار بتقتل الشعب يا سيسي". وتابع سمير عثمان: "لازم بجد الحكومة تشوف الأسعار دي.. الناس مابقتش عارفة تعيش ولا تاكل.. ماحدش معاه يشتري حاجة بسبب الغلاء.. الناس بتموت.. الأسعار بتقتل الشعب يا سيسي". فرض غرامات وقال شمس الزناتي: "أنا اللي مستغربله ومستعجب له كل حاجة عمالة تزيد إلا الدهب نزل 50 جنيها.. طيب هو كده ده يشيل ده.. طيب واللي مامعهوش دهب يشيل نفسه.. الأسعار بتقتل الشعب يا سيسي". وأضاف منعم: "الأسعار بتقتل الشعب يا سيسي.. ليه بتفرضوا غرامات على زارعي الأرز في محافظتي القليوبية والدقهلية علشان كيلو الأرز يبقى 9 جنيهات". وعلقت مروة السيد: "الأسعار بتقتل الشعب يا سيسي.. كله كوم وزيادة سعر الأدوية كوم تاني.. ربنا يلطف بينا.. لك الله يا مصر"، ورد أحمد سعد: "فين الحكمة من غلاء الأسعار.. الأسعار بتقتل الشعب يا سيسي"، وتابع بولا مينا: "الأسعار بتقتل الشعب يا سيسي.. الكهرباء مقطوعة عندي والأسعار غالية قوي". طوفان الأسعار وقالت "مسلمة الله": "أنا كربة منزل فشلت معايا كل السياسات الاقتصادية المعروفة لستات البيوت علشان أتغلب على طوفان الأسعار.. الأسعار بتقتل الشعب يا سيسي"، وأضاف محمد صلاح:" كيلو الأرز بقى ب 7 جنيهات.. الأسعار بتقتل الشعب يا سيسي". وعلق محمود مهنى: "الأسعار بتقتل الشعب يا سيسي.. يعني إيه يا أستاذ مافيش حاجة هترخص؟ لا إزاي يا محترم ده في حاجات كتير قوي هترخص زيي أنا وأنت والحاج والآنسه والأستاذ". ورد "سيحوكا بوجي": "الأسعار بتقتل الشعب يا سيسي.. ارحمنا يا رب برحمتك والله في ناس بتموت من الجوع هنا والبيوت حتى مافهاش شاي وسكر.. أقسم بالله حرام وأنا واحد منهم". وتابع محمد رشدي: "الأسعار بتقتل الشعب يا سيسي.. إحنا ممكن نقسم نفسنا ناس تعمل شنط رمضان أغذية.. وناس شنط لأدوية مش الأكل بس.. الفقراء محتاجين الدواء كمان". وقال هشام سلامة: "وكالعادة وزي ما قالها زمان الله يرحمه ويحسن إليه.. لا يأس مع الحياة «ولا حياة لمن تنادي».. الأسعار بتقتل الشعب يا سيسي".
