الحمير بتقول تعبنا.. والشقى دايماً غالبنا فيه كتير م الناس تمللى.. كان راكبنا وإن عازونا يشحتونا من صاحبنا وبشقانا.. لا يوم أكلنا أو شربنا ومّا جينا فى مرة نرفض واعترضنا كان تعبنا الحمير ما عدتش شايلة.. إلا لما الخوف يسيبنا مستحيل ظلم اللى راكب.. يبقى دايماً من نصيبنا الشقى كان فوق كتافنا.. والتعب دايماً نصيبناً بس بعد الكاس ما فاضت .. والحمير م الغلب باضت قلنا مش راح نرضى تانى.. بالشقى يتعب قلوبنا