وأقول على المستخبى واللى مش معروف.. أضرب فى ودعى .. وتمللى بادعى.. والمستخبى باقوله ع المكشوف مبروك عليك الرياسة.. ونفسنا نلاقيك.. رئيس كبير والأمانى والمحاسن فيك.. وخلى بالك تعبنا محتاجين مساعيك.. فى حل كل المشاكل وإحنا بنهنيك.. وحأقول لك إيه وللا إيه.. حقق لنا أمانيك.. ياريس الزفة حاسب.. إحنا صاحيين ليك.. وقت الكلام انتهى والكل نظره عليك.. ومفتحين العيون لكل شيء حواليك.. والشرق والغرب والداخل معاه يناديك.. عايزين نشوف ثورتك.. وتقول لنا أمانيك.. وكفاية تلاتين سنة.. عايش مع المماليك.. ولما ثورنا التقيت اسمك معانا شريك.. وبقيت كمان فى الرياسة ربنا يحميك.. والرمل قال والودع ماعدش فيه تماحيك.. ورينا شغلك بقي.. نفسى فى فرخة وديك.. ورغيف نضيف والسكن يلمنا حواليك.. وأدينى قلت اللى كل الناس بتتمناه.. واللى يحقق لهم راح يفضلوا وياه.. وأنا ورملى وودعى كل يوم قاعدين.. لما نشوف النتيجة والجميع شاهدين.. وطول ما أنا وسطكم حأفضل أبين زين.