سمعت منك كتير بس الودع محتار.. ونفسى أعرف بقى ياريسى المختار.. راح تعمل إيه وى مجلس شعب كله حوار.. وأد أنت رجعته تانى يكمل المشوار .. عايزين مايبقاش مابينا والنبى أسرار.. انت لقيت الجميع رافضين مع الثوار علشان بقى نفسهم تتحقق الأدوار.. أصل الكلام حلو بس الفكر فيه يحتار.. رجعت ليه مجلس الشعب تانى زى ما هو الدار.. وللا حنرجع نعيد المشكلة يامرار.. نفسى الكلام يبقى واضح.. مايحتملش حوار.. أصل القضية ما هش ناقصه خلاف يندار.. ومن البداية نكون واضحين فى كل قرار.. الثورة ثورة ولكن القانون إقرار. والفكر لو ضاع ما بين لتنين حيبقى مرار.. وحأقول لك أيه وللا أيه إسترها ياستار.. الرمل وى الودع شايفين ده ليل ونهار.. وإنت وعدت بحاجات وأدى احنا في استنظار.. وخللى يبقى الوضوح بينا طريق ومنار.. إنت لنا كلنا مافيش خلاف ولا تار.. لكن فيه مصلحة بينا ونوق وحوار.. وودعى حيقول لكم وأنتم بقى عارفين.. أنا بالودع وسطكم عماله أبين زين. وقلنا إيه السبب مش محتاجين أعذار؟ أبين زين.. وأقول على المستخبى واللى مش معروف.. أضرب فى ودعى .. وتمللى بادعى.. والمستخبى باقوله ع المكشوف