"تويت كأنك إخوان".. هاشتاج ساخر قام النشطاء على "تويتر" بتدشينه للسخرية على ما يقوله الإخوان وتمثل بالنسبة لهم لزمات خاصة يرددها دائمًا- حسبما أكد النشطاء من خلال تغريداتهم- ومنها "أنا مش إخوان بس بحترمهم" وغيرها.. روكا أوشا قالت: "أيوه يا معلم أنا جهزت السيوف والسنج والسلاح عشان ننزل نتظاهر لنبذ العنف.. أنا لا أبرر الكذب.. لأنه متبرر لوحده ده مبدأ عايشينه" إسراء عز قالت: "ياخى أديله فرصة هو لو كنت أيام مبارك كنت قدرت تعترض.. الله عليك يا ريسنا وريهم كمان" محمود سامى قال ساخرًا: "لازم نقف أدام البلطجية الكفرة أعداء الإسلام عشان البلد تستقر ونكمل مشروع النهضة وعلى فكرة أنا مش إخوان" آلاء محمود سخرت: "إدوله فرصة.. ده رئيس منتخب.. هو انتوا كنتوا تقدروا تعملوا كده أيام مبارك" زياد مصطفى قال: "مرسى ماشى صح بس سيبوه فى حاله.. أنا مش إخوان بس بحترمهم" ياسمين قالت ساخرة: "إحنا بنوزع زيت وسكر طول السنة مين اللى قال إننا بنوزعها بس فى الانتخابات" هامان 2000 قال: "قوة عزيمة إيمان مرسى بيضرب فى المليان" وقال المؤتمن: "بديع الزمان عمل نفير عام عشان ننزل نحمى الرئيس المنتخب بإرادة الصناديق وشرعيته.. موتوا بغيظكم... والشريعة" كارولين ناصر أمين: "إن الرئيس مرسى اختطف من زمن الصحابة.. فهو حفيد عمر بن الخطاب" زوزا عاطف قالت: "ما ذنب الانتخابات ؟ بديع ستايل" إسماعيل مصطفى قال: "بالحب بالحب بالحب هنعدى من المرحلة دى" مارسين عمر قال: "طائر النهظة بيسلم عليكم وبيقولكم ادونى فرصة" وقال تامر: "لو بتتفق مع حد على حاجة قوله: كلام رجالة ولا كلام إخوان ..!!" وقالت نهى صلاح: "ودلوقتى أى حد يعارض رأيهم بقى خروف.. سواء إخوان أو لأ.. وماله الخروف حلو مفيش كلام" غضنفراوى قال ساخرًا: "ودلوقتى أى حد يعارض رأيهم بقى خروف.. سواء إخوان أو لأ.. وماله الخروف حلو مفيش كلام" يسرا فرغلى قالت ساخرة: "كل ما يعجبنى كلام حد ألاقيه يا إخوان يا سلفى.. شكلى كده خلايا نائمة" وسخرت برندا عزيز: "أنا مش إخوان بس بحبهم" وقال محسن عمر ساخرًا: "بتشتموا مرسى يا كفرة دا خليفة المسلمين" وقال حسنين ناجى: "أنا هاعمل like لصفحة إحنا آسفين يا ريس" وقال بلتاى ساخرًا: "المعارضة صابتنى ورب العرش نجانى.. الرئاسة خوخة جت بعد دوخة" وقال محمود ياسر: "سوف نحاول السيطرة على مصر.. نحن فى وعكة" وقال أحمد هشام: "البلد بتتحرق الإخوانى: لا خالص أمال ايه ده الإخوانى: دى صواريخ احتفالات بالإنجازات" وقال على حمدى ساخرًا: "الريس شايف اللى انتو مش شايفينه.. انتو ماينفعش معاكم غير واحد زى مبارك" عمرو ممدوح قال ساخرًا: "سيدنا مرسى رضى الله عنه" وقال محمد حسن ساخرًا: "نحن قبلنا الحوار مع السيد الرئيس محمد مرسى من أجل التوافق"