قال المستشار جميل سعيد، المحامي، إنه سيقدم بلاغًا للنائب العام، غدًا الثلاثاء، يتهم فيه الناشط السياسي طارق الخولي بإهانة القضاء والتعقيب على أحكام القضاء المصري. وأضاف «سعيد»، خلال مداخلة هاتفية مع الإعلامي وائل الإبراشي، مقدم برنامج «العاشرة مساءً»، على شاشة «دريم2»، مساء الأحد، «أنت أزاي تقول على محاكمة مبارك إنها مهرجان البراءة، أنت محامي تحت التمرين ووريني الكارنية بتاعك». ورد «الخولي» قائلًا: «قدم اللي أنت عايزه يا سيادة المستشار، أنا وضحت أكتر من مرة قصدي من الكلمة دي، أعمل إيه تاني أنتوا هتمسكوا في الكلمة، عايزين تدبسوني في قضية وخلاص، أنت داخل تكلمني عن شكلي ولبسي ومحامي ولا لا، كلمني في القضية اللي بنتكلم فيها».