شلااااا لية صرخت مراتي ورفعت صوتها بالتهديد، لازم تجيب بسكويت والكعك ياسي فريد، قلت لها أجيب لك منين وأنا باستلف ناكل قالت ماليش دعوة اشحت عايزة كعك العيد. أجيب منين جيبي فاضي فتشيني مافيش ده مرتبي كله مايجبشي رغيف العيش قالت لي ما أعرفش عايزة الكعك والبتي فور ومعاه كمان بسكويت وغريبة وقراقيش. فريد حلف بالطلاق لا كعك ولا بسكويت ولو نطقتي بكلمة اليوم ده مش حيفوت هو انتي مش عايشة في الدنيا وبتعاني وعايزة كعك وخلاص واللي يطق يموت. عايزك تعيشي الحياة وترضي بالمقسوم ونفسي أجيب كل حاجة لابننا المحروم ربك حيفرجها ماتخليش نفوخي يطير، ردت وقالت كلامي معاك مالهش لزوم. سمع الجيران الحوار والمعركة بتزيد ما بين جارتهم وجوزها المسمى فريد جاب الجيران بسكويت مع كعك مع بيتي فور وقدموه هدية لجارتهم في يوم العيد. إيه رأيكم بسكويتنا وكعكنا تقاليد ما يجبش تصبح سبب لخلاف مشاكله تزيد، أنا قلت لمراتي إيه رأيك قالت مظبوط كل اللي قلته.. وآسفة والنبي يا فريد.