قال "سيد"، شقيق سائق "قاضي الحشيش"، إن شقيق القاضي عرض على والده نصف مليون جنيه؛ لأجل أن يعترف أخوه بحيازته للمخدرات، وتابع: "وقال لوالدي يتسجن بمقابل ولا من غير مقابل". وأضاف خلال مداخلة مع برنامج 90 دقيقة عبر قناة المحور، اليوم الأحد: "الكلام ده حصل في المحكمة، وإحنا ناس مش متعلمين، ومجاش في دماغنا نسجل الكلام ده". وتابع: "عندنا محامي متطوع لأن مش معانا فلوس، وحكم القضاء المصري على دماغنا من فوق، وأبويا بيشتغل في أرض واحد وإحنا معاه، وبناخد 50 جنيه ناكل بيها، ده إحنا بنام على الأرض، هنجيب مخدرات بملايين ازاي". يذكر أنه تم ضبط كميات من "الحشيش" في سيارة القاضي، أثناء مروره بأحد الأكمنة الأمنية بالسويس، ووجَّهت النيابة العامة للقاضي المتهم عدة اتهامات من بينها الإتجار في المخدرات والتعاطي.