قال الإعلامي عمرو أديب، اليوم السبت، إنه ليس من بين الإعلاميين الذين يحذّرون المصريين من النزول في مظاهرات يوم 25 يناير القادم، مضيفًا: «على الرحب والسعة، لو عايزين تنزلوا تولعوا فيها انزلوا، مفيش أي مشكلة، لكن أؤكد لكم إننا هنشربها زي ما شربناها قبل كده». وأضاف أديب، خلال تقديمه برنامج «القاهرة اليوم»، عبر قناة «اليوم»: «حال نزول الشعب في ثورة جديدة الوطن هو من سيدفع التاريخ، إدوني سبب واضح أو أي منطق يقول إننا ننزل، وأنا مش من بين الناس اللي بتهاجم 25 يناير، وأنا أحد الأشخاص الذين استفادوا من هذه الثورة، تونس موطن الحرية أصبحت تعاني الآن بسبب التظاهرات، مش عايزين نرجع تاني للخلف». وعرض أديب، مشاهد الخراب الذي حل بسورياوتونس، معلقًا: «لو عايزين نجيب عاليها واطيها.. أهلًا وسهلًا، أنا معاكم، وأنا مش بخوفكم، عايزين نكون زي سوريا والعراق وتونس وليبيا مفيش أي مانع، لكن مش هيتبهدل غير الغلبان، اللي معاه فلوس هيعرف يهرب». وتابع: «أنا هبقى كول جدًا وأنا شايف أن البلد بتتسرق وبتتهد فوق دماغنا، لكن المرة دي هناكلها كلنا، والجزيرة بتسخن، وأيمن نور شغال هو كمان، وإحنا طبعًا عارفين مصالحهم، فكروا وشوفوا الكلام ده قبل ما تنزلوا، خاصة إننا بقى عندنا تجربة ديمقراطية حقيقية».
