شن رئيس الزمالك، عضو مجلس النواب، هجومًا لاذعًا على بعض الإعلاميين، الذين انتقدوا أداء بعض النواب في الجلسة الافتتاحية الأولى، أمس الاحد، قائلًا: «مجلس النواب ليه هيبته واحترامه». وقال مرتضى، خلال تصريحاته لبرنامج «اللعبة الحلوة» مع خالد الغندور، المذاع على فضائية Ltc، أمس الأحد: «أى عيل أو عيلة صايعة هيطلعوا في برنامج أيا كان هيقل أدبة على مجلس النواب المحترم هياخد بالجزمة، المجلس ده جاى من غير تزوير، والنهاردة فى مذيعة مجنونة قالت (خلاه يقول القسم غصب عنه)، أقول لها لا يا حبيبتى ما أجبرنيش ورحمة محمود محى الدين ما أجبرنيش، وحياة رشا ما أجبرنيش، وكفاية عليكى كده النهاردة، وواحد تانى بيقول على المجلس ده سرك، أقول له لا يا حبيبى السيرك ده فى بيتكم وهتاخد بالجزمة إنت واللي مشغلك». وأضاف: «انتباه ياهانم، ياللى كنتى بتجرى ورا جمال مبارك وتفضلى تقوليله يا جمال بيه، ياللى مش عجبك إن 25 يناير مؤامرة طيب ما إنتى كنتى من أنصار مباراك وكانوا مشغلينك فى التليفزيون المصرى ولا إنتى ناسية، والأفندى اللى عمال يصغرلى فى بؤه كل شوية، احترموا نفسكم شوية».