أعرب الكاتب الكبير مدحت العدل عن رفضه الشديد لدعوات تعديل الدستور، قائلًا: "أنا مش فاهم ليه كل الناس اللي كانت بتأيد الدستور جاية دلوقتي وشايفاه مؤامرة، كل ده علشان كلمة قالها السيسي وممكن يكون بيقصد بيها حاجات تانية". وأضاف "العدل"، خلال مداخلة هاتفية له يوم الأحد، ببرنامج "العاشرة مساءً"، المذاع عبر فضائية "دريم 2"، مع الإعلامي وائل الإبراشي: "يعني كل الناس اللى شاركت في الدستور خونة، يعني عمرو موسى وخالد يوسف وسيد حجاب وخبراء القانون دول كلهم خونة". وتابع: "أما عن الناس اللي بتقول إن الشعب وافق على الدستور علشان خايف من الإخوان، طب ماهو بنفس المنطق الناس انتخبت السيسي برضو علشان خايفين من الإخوان، الحقيقة الواحد بقى حاسس إن كل اللي بيحصل دلوقتي ده انقلاب على كل شئ، انقلاب على ثورة 25 يناير، وثورة 30 يونيو".