هاجم أحمد مرتضى منصور، عضو مجلس إدارة نادي الزمالك ونجل رئيس النادي، عمر جابر بسبب رفضه المشاركة في مباراة إنبي، التي شهدت كارثة استاد الدفاع الجوي. وقال نجل رئيس النادي في مداخلة هاتفية لبرنامج "أسرار الملاعب" على قناة "إل تي سي"، مساء الثلاثاء، إن "عدد التذاكر اللي استلمها الجماهير 8 و300 تذكرة، ولما ييجي يموت ناس نتيجة التدافع يبقى القاتل من دعا لحضور أكثر من 10 آلاف شخص". وأضاف: "اللي ماتوا مش ألتراس، لأن دلوقتي كله بيتاجر بالدم، اللي ماتوا من ضمنهم بطل نادي الزمالك في السباحة، مرتضى منصور شخصيا اداله تذكرة". وتابع: "ومن بين اللي ماتوا ناس معاهم تذاكر، يعني ده بيكدب شعار مت ليه أصل مكنش معايا تذكرة". وطالب نجل رئيس الزمالك بمحاسبة قيادات الألتراس لأنهم "يدعون لتجمعات وتظاهرات في جروبات سرية على فيس بوك، وتسببوا في قتل مشجعي الفريق". وأضاف: "من غير تحقيقات نيابة اللي دعا لتواجد أكثر من 10 آلاف واحد هو ده اللي القاتل". وكشف نجل منصور أن "مجلس الزمالك سيطالب الدولة غدا في اجتماعه الطارئ بحظر روابط ألتراس لأنهم بيقتلوا أعضاءهم"، مضيفا: "البهوات اللي مش خريجي حاجة ومش متعلمين بيرموا الشباب الصغير للتهلكة". وحمل أحمد مرتضى الحكومة مسؤولية كارثة استاد الدفاع الجوي، مضيفا: "لأنهم مش عارفين يعملوا مشروعات القوانين". وعن عمر جابر قال: "أقسم بالله أننا لم نعلم بوجود وفيات طوال المباراة، واللاعب اللي عامل نفسه بطل علينا، لو كان عارف بوقوع وفيات كان يقعد في نص الملعب وقال متلعبوش الماتش، وكنا هنلغي المباراة"، مضيفا: "عيب أوي اللي بيعمله ده، إحنا عندنا لاعيبه محترمة".