طالب ناظك بكر، أمين الشرطة، بمديرية أمن الدقهلية، على صفحة «ائتلاف أمناء الشرطة بالدقهلية»، أفراد الشرطة بالتحكم فى ضبط النفس وعدم الإندفاع وراء الغضب، واستخدام السلاح الميرى فى صراعات شخصية، كما طالبهم بالحفاظ على مستقبلهم الوظيفي وعدم الإنسياق وراء استغلال السلطة فى فرض النفوذ، لافتًا أن السلاح الميرى يستخدم فقط فى الدفاع عن الوطن وأمن المواطنين. وجاء نص المنشور كالتالي: السادة الزملاء أفراد الشرطة،.. تحية طيبة لكم جميعا أما بعد نري كل يوم مخالفات يرتكبها الزملاء باستخدام الأسلحة النارية «العهدة الشخصية»، وطبعًا الصحف والبرامج التليفزيونيهً كلها موجهه ضدنا لأن أنت أول طرف في المواجهة مع الشعب. أنًا مش هالوم الزملاء، محدش عارف ظروف الواقعة إيه، بالأخص وقائع المستشفيات الأخيره اللي ضربوا أطباء المطرية، واللي ضرب ممرضة البحيرة لأن كل إنسان ليه طاقة، الموضوع وده مش معناه إني بشجعهم علي كده، لا أنا راجل قانون أخد حقي بالقانون. نرجع تاني للأهم وهو استخدام الأسلحة النارية، ونص قانون الإجراءات الجنائية علي وقت ومتي يجوز استخدامها وفي ناس كتير مننا بتغلط لازم نكون فاهمين للدفاع عن النفس وعن الغير لرد اعتدائهم ووشيك يعني مش واحد معاه عصاية أضربه بالنار طبعا كل حالة ولها ظروفها برضه. اللي أقصده في كلامي نحافظ علي نفسنا، وعلي مستقبلنا ومستقبل أولادنا، والله العظيم كل يوم يقابلني مشكله وخصوصا بالعربية واحد يحكها يكسر لي مرايه فانوس، وأقول في بالي يابخت من قدر وعفي وأكيد في زملا كتير بيحصل لهم كده ياجماعة السلاح عشان ندافع بيه عن الوطن والمواطنين، أولا ثم النفس مش نستخدمه ضد المواطن المواطن ده أخوك وإبن عمك وإبن خالك وأنا كمان كلنا شعب وأهل وأسره بس علي كبير.
