دي دعوة لكل الرجلة بمافيهم من بنات وستات رجالة طبعاً برضٌه ,المُشاركين في المظاهرات المصرية المُطالِبة بإنهاء القمع والظُّلم والإستبداد،المُطالِبين بحُريّة غابت طويلًا، وبتغيير يحفظ للماضي بعضًا من ماء وَجهُه ونأمل في في مستقبل يبدو أنّه قريبًا قَد يُصبح مستحقًّاجنبًا إلى جنب، مع المُطالبة الشعبيّة الشّرعية المُستمرّة بالحقوق.جنبًا إلى جَنب، مع محاولة الوصول للمُستقبل مترًا مترًا.تعالوا نحاول نهز ثقة الشُّرطة وشُركاءهُم، في اللي بيعملوه؛ أنا عارف إنّها مهمّة صعبة جدًّا بس فعلًا مش مُعتَقد انّها مُستحيلة تعالوا ماننساش انُّهُم مش الأعداء بل ضحايا زيّنا كُلّنا مُجرّد موظفين في مصلحة الاستبدادمُجَرّد موظّفين مايعرفوش أكتر من اللي يعرفوه، خايفين من المُستقبل برضُه وممكن يكونوا فاكرين انُّهُم كده بيدافعوا عَنُّه وبيحافظوا عليه .دي دعوة لحمل رسالة ننقلها كُلّنا لكُل ظابط شُرطة يعمل في مُكافحة الشعب،نعرَفُه معرفة شخصيّة،بل تعالوا نبُص للظُبّاط اللي في الشوارع في عينيهُم ونكلّمهُم مش واحد ولا اتنين، لأ، كُل الآلاف اللي يقتنعوا بجَدوى الرسالة دي يروحولهُم واحد ورا التاني لحَد مايبقوا خلاص مش قادرين يسمعوا.تعالوا نروح للظُبّاط في الشوارع نسأل كُل واحد فيهُم إبنَك فين؟ مانزلش معاناليهتعالوا نناديهم أن ينضمّولناتعالوا كُلّنا نروح نسألهُم عَن قُرب انتو بتدافعوا عَنهُم ليهبتدافعوا عَن إيهتعالوا نسألهُم مين أجدَع؟ اللي بينزل الشارع يطالب بحَقُّه ولّا اللي بيضرَبُه بالجَزمة لمّا يطالب بحَقُّهتعالوا نسألهُم: مش عايزين ولادكو يبقوا أحسن منّكو.مش عايزين تعيشوا في وطن بيحترمكوا وبيخاف عليكو وعايز مصلحتكومش عايزين تمتلكوا مصيركومش عايزين حتّى تعيشوا أحسن،مش عايزين لمّا ولادكو يسألوكو عَملتوا إيه لمّا كان عليكو الدور تعملواتعرفوا تردُّوا عليهُم من غير ما تتكسفوا من نَفسُكوابجد مش عايزينمش عايزين لمّا تموتوا وتروحوا عند ربُّكوا ويسألكوا،ما تَتَمنُّوش لو كنتو تُرابا .. مُتأكّدين انّكو مش عايزينتعالوا نكلّم العساكر الغلابة اللي عاشوا طول عُمرُهُم مقهورين وبقهرُهُمبيستعملوهُم الأشرار كسلاح ضد أنفُسهُمتعالوا نحاول على قَدُّهم نفهّمهُم ان إحنا وهُمّ واحد.إن الظابط اللي بيقولُّه إضرب بيقولُّه يضرب في نَفسُه وهو مسكين وغَلبان ومايعرفشبيضرب في نفسه .تعالوا نقولُّه، يمكن، يمكن وهُوّ بيرفع العصاية عليك قَلبُه يوجَعُه .يمكن يفتكر وشّك في عربية الترحيلات.. يمكن يفتكر في عينيك الغَضببل تعالوا نحمِل الرّسالة دي لأبعَد وأوسع من كده بكتير، وبغض النّظر عن الأحداث الحالية تعالوا نمدّها على طول، تعالوا نعمل كده كُلّنا؛اللي يعرف أي حَد في أي موقع مؤثّر في النظام، أي ظابط أمن دولَة، أمن مركَزي،أي مُخبر، أي مُزوِّر أي مُزَوَّر، أي مُحب لهذا النّظام الفاسد وفاكرُه حاميه،يروحلُه دلوقتي ولّا حَتّى يكلّمُه في التليفون يسألُه، عن إيه مُهمإيه أَهَم إيه اللي حيفضَل وإيه اللي حيموتخلّيه يسألُه عَن المَرجَلة والشجاعة والكرامة والإباءخلّيه يسألُه يعني إيه إخلاص للوطن.بَدَل ما بتكلّمُه لمّا يحصلَّك مٌشكلة ولّا تعوز حاجة ولّا رُخصتُك تتسحبكلّمُه إسألُه يعني إيه وَطَن .إللي يعرف أي واحد مُستسلم خاضع خانع مايقدرش يقول لأ .. اللي يعرَف أي حد حامي أو مُساعد أو مُساند أو مُوالس أو مُنافق لهذا النّظام اللي بلا قلب ولا عَقل، يروحلُه دلوقتي ويبص في عينيه ويقولُّهألف ألف إخص عليك .ولو ماسمعوش، أضعَف الإيمان خاصموهُم: خاصم أبوك لو منهُم وعمّك وخالَك وابنَك تخاصمُه .. من أجل الشّرف، شَرَفَك.. خاصمُه عشان ماتنبقاش ساعدتُه بسكوتَك عليه عشان ماتبقاش شريكُه .. عشان تبقى تستحق أحسن من اللي هُوّ يَستَحقُّهخاصموهُم .لو مابيحسّوش وهُمّ صاحيين، تعالوا عالأقل نحاول.. مانخلّيهُمش يناموا .
