مين اللي أول ما امتلك شافِك غرض مين اللي بالقوة اتفرض على عرش قلبِك من سنين مين اللي زاغ فينا ونجي مين اللي سابك ف الطريق تتشنجي من لسعة البرد اللعين ما تقولي مين يا حبيبتي قولي مين مين اللي راشق بين عيوني وبين نجومِك ميت كمين مين اللي فتّش فيكي على طعم الدفا ومخدش باله قد ايه قلبك حزين مين اللي من دمِك ما قالش انه اكتفى مين اللي خدتي ف قصته دور السجين ما تقولي مين يا حبيبتي قولي مين مين اللي راشق بين عيوني وبين نجومك ميت كمين أغنية : كمين، على لسان شهيد من ثورة 25 يناير