كلمات/ عبد الناصر السمطي سبايك الدهب بتحكي السبب ليه قلبي أنجزب برمش العين يصوت السما وضحك الحما يا ملحة فين أنا فين في جنة ورد بعيد م الصد عشقتك أنا اليوم سنتين يا طعم الود جوا الضد و عطف البرد يا قمرين غصن الندى جيلك هنا في شراع الهنا يزداد خضار يا راحة التعب وبسم الغضب ونور القمر في عنيكي نهار يللي الضحك ف عنيك شفاف نجوم السما منك بتخاف عناوى الليل وعشق نحيل يلاقي فيك كل الاوصاف عصور الورد علي باب الخد ينادي العهد بين الجفون يسافر بدر ف ليل اليد وسارح طير في العيون ليه أوصف فيكي والعمر ليكي رامي جناحة علي البساتين ونور الشمس وسحر الهمس يبكى الامس علي الخدين سبايك الدهب بتحكي السبب ليه قلبي أنجزب برمش العين