بمناسبة مهرجان العراق " الشعر العامي كنت سارحة علمراية وعم فكر بهاك النتيجة فزيت متل المجنونة عدقة خوف من قلبي غبت وعيت.. وقعت قمت وما عرفت كيف مسكت بتلفوني فكرت حالي إلت ألو .... وصرت ناطرة يحاوبوني سمعت صدى من بعيد بردد ألو ألو مين يلي معي خرست.. وما قدرت جاوب لكأنو شي سكين قطع لساني قويت حالي .. رفعت راسي ورجعت إطلع بعيون المراية ما شفت الا شموع مضواية عم تشرقط ع رقصة حواسي فركت الغبش من عيوني ومسحت الدمع من جفوني تنهدت وقلت : ألو .. ألو .. ألو " نعم مين يلي عم يحكي طلع صوت جبار بيشبه زخ المطر من شاعر بقلي محسوبك فرحان الي بنظم المشاعر وانتِ يا فلورا الحلوة لمهرجان العراق معزومي ضحكت بكيت فرحت وزعلت لأن الوقت طلع مش مناسب وبالأملية بعترف إنو الشعر العامي من أنا وصغيرة ..هربان من لساني وبما إنو الخيرية مش نتيجة فحص دمي من فضلكم لو سمحتوا بعد ما سمعتوني عطوني نتيجة الفحص " من شعري بالعامية " " بالتوفيق لكل شعراء العامية في مهرجان العراق