الليله دي سمايا كانت مش عادية صافية ذي قلب العيال وقت موجه ضحك صافية و هستيرية والنجوم ترقص سلووه علي سيفونية صوتها الملان حنان من فرحها عماله تحضن بعضها أحضان جنان والعصافير وقتها من نومها صحيت كلها لأجلن تشارك مهرجان ارتجالات الغرام والزقزقة حلفت ما تغفل عينها تاني غير وشمس الحب طالعة مشقشقه كل شئ ف الكون ساعتها مكانش عادي حتي موج البحر عالي و سط شد وجذب قلبي وقلبها اترسم علي وشه ضحكة حنينة تداري هوجه الهوي و القمرة طلعت وردت فرشت شعورها ع المخدة جمب مني بتترعش تشكي من نار حبها و شوشتني ع اللي تاعب قلبها و وقتها فردت قلبي مركبة القلوع فيها ضلوعي والشراع عملته جلدي اما مقدافها ايديا ولما زاد بينا الطوفان حضنتها حسيت بان الكون بتاعي وكل شئ بأشارة مني بيأتمر و وسط تنهيده هوي وضحكة دافية حنينة قالت بحبك وقتها اتعزق ف القلب كام غيط زعفران جنات ورود عطشت لبوسة م الشفايف مش عادية وانفتح ف القلب مية طريق للامل متزوقه بورد الغرام و سط الكلام والأنسجام الشمس طلعت حامية حبه فاستحت من حبنا وراحت تداري وشها