اكتشفت انك ..... هوا مشدود بخيط كوم مشاعر مرمي جنب الحيط مالكشي اي لازمة لابس الكلمة وعامل فيها شاعر والحقيقة انك عبيط .................. اكتشفت انك .... مفيش طير كسيح ومالكش ريش وان خفافيش الوجع ممكن تدوسك..ع السطور و انك عميل ...اسمك انا مع ان طول الليل مرابض عندها يا منتهي العشق الغبي عامل نبي ...في حبها مع انها وياك قريش دراويش آسي عامله في روحك ...الف حضرة بتبيع مشاعرك ..بالرخيص غاوي المتاجرة بالمفيش يالله اللي عايز احساسات ببلاش ودوق نقيّ واتفرج يا عم يا اللي عايز قلب مات مخنوق بويل وجراح وغم ياللي اللي عايز شوق وطازة عليه قزازة من دموع المسكنة مين قالي هات مين قال انا ؟؟؟؟ ................................... انا .. انا ديكتاتور .. في مريسه حكم الهبل أسقيها من شهدي عسل آكل فسيخ ترميني في المريخ ...عطارد او زحل أكتب لها فوق القمر وأطير بنفافيخ الامل تمحي ملامحي م التاريخ ارسمها فوق سفح الهرم عشقي ورم عمال يزيد..ومالوش عرض عشقي مرض وبينتشر .... وجعي صريخ ........... وانا لسه شيخ الدروشة واخد نيشان المملكة لابس التاج اللي منقوش من بلا .......... ها .. اكتشفت انك ..... ولا حاجة..ولا تسوي مجرد حرف ساكن عندها ادركت انك ....من فراغ طب ياللي قوم اعمل دماغ من شعرها ...اسكر وفوق خد لك كاسين ..م الشوق وتوه ...يحرق ابوه الشعر لوخلاك كده في بوقها مداغ .. تتطرق فيك علي وقت الغدا وفي العشا ...لما تحس بنعنشه وتمل كتر الطرقعة تديك قفي لا تقول حب .......ولا وفي ولا حضنها كان يوم .. دفي وخلاص كفي من دست واحد خدت مليون مغرفة والحب مش كام بيت ..في شعر وغنوة حلوة وفلسفة ولا هوه لغز الحب مش واحد آله ...والتاني طز ........... قوم صب تاني ...من دموعك دوق ومز اهضم الجرح اللي كلته بين ضلوعك ...استلذ النوشي في ..عز البكي قوم ياللي هز الباقي فيك لسه فاضلة نقطة سودة من ماضيك ...قوم لف نفسك جوه جرحك شوف ملامحك واشمئذ ها ها ها هههههههههههههههه اضحك اضحك قول لنفسك ها هااااااا حمرة ..... ها .... عرفت أن انت ماسك الف جمرة ... بين اديك وان سكين البعاد ...تعرف تجز وان قلبك ولا حبك ولابعدك ولا قربك سيل مشاعرك كله .... طزززززززززز احساستك او عواطفك ولا ضحكك ولا عطفك كل علي بعضك بشعرك و لا حرفك... ولا صبرك ....مستحيل ابدا تهز معاها شعره بطل النعره ...الغبية لسه مصر.. تبقي هيه زي كلب ترمي عظمة شوق اليك تجري تسبق لجل تلحق ... دور في حب هوه حب بجد ولا ايه يسميّ حب اعمي ............................................... هوه فعلا ايوه حب حب نادر نوع مميز حب من غير اي ذمة حب نقمة حب نغمة ف عود ضياع حب ملهوش اتساع ولا حتي حيز حب عاجز الف سد ...الف حاجز حب نازز حب جازز مش مبقي ليك ملامح حب رامح فيك وطامح انه ينجز حب بيعجز بيقصف واما تيجي تقوله يعطف ولا هات اديني حقي تلقي لون احساسه كلحّ تلقي غذو بحر جو جيش ملام عدوان مسلح تلقي جرح الحب جرحّ تلقي نهر الحب ملحّ جرح الحب ملح نار بيكوي تلقي نظرة عين بتضوي واللي كان جنه وحبيب يقلب عدو تلقي نفسك جوا هو تبقي خدام في الغرام تعظيم سلام ..صاحب السمو تقطع الاميال عشان تظفر بنظرة ها ...ولو تلقي بكرة جاب وراه ميت الف بكرة ....وانت عامل فيها كناس الشوارع من كل فج وخن طالع ........... حب م النوع الفتو لما ينوي يفوز يخلص بعد ما يرقص جنابك كارت احمر للي جابك ياللي بره ................................... نفسي يوم تعمل مظاهرة خيانة عظمي اومؤامرة تقلب الاحساس عليها تبقي انسان مش مجرد زنبلك ....بترده نظرة ها صحيح ....حاسس بقهرة ولا كسرة ولا غلب ايه شعورك مر صح؟؟ ولا طعم الجرح حلي مر ريقك ؟؟؟.. شايف السكة ..في ضيقك ولا تايه عن طريقك؟؟؟ لسه ليل ومالكش صبح؟؟؟ ولا عين الحب عمية وانت اعمي؟؟؟ ................................ ايوه اعمي بس روحي لسه شايفة لون بريق ...وسط العمي هطرد الاحاسيس وليلي واطير اطير فوق السما هتكون زفير من غير شهيق وبرغم وجعي انما انا خطوتي سابقة الطريق اما الرفيق ...هيكون انا .... بين النقط ..... هكتب غني واحساسي اللي انفرط ...تاني الضمة والصبر خيط توب الوجع راح الملمه اما العبيط اللي جهل امر الهوا فانا هرغمه يمشي بادب وانا كان علي الاحساس فقلبي لسه ماس رغم التعب .. وشعوري انضف م الدهب وعشان كده رغم الحريق لونه لمع وبرغم بركان الوجع جوه الوريد وانا لسه ابو زيد ... .الصعيد رغم انفك واجدعها من اجدع جدع
