ساكت ليه ؟ أولادك راحوا مستني أيه ؟ خايف ؟ هو لسه حد باقي تخاف عليه ؟ ساكت ليه ؟ تعبنا من السُكات جوّه قلوب أولادنا لينا حنان كبير وحب أكبّر خوفهم خلى كله مات والسكوت هيزيد ألامنا هيزيد كلامنا والحقيقي تموت ويفضل جوّه منّا يادوب إشاعات اتكلم .. الجاني مين ؟ أوعى تقول ما بقاش مهم والسؤال هيفيد بأيه ؟ والغم تم بلاش تضلل العداله اليأس يا ابني أكيد حطام دا الجُناه في بلدنا صبحوا في كل حاجه في كل حتّه صبحوا أكتر م الكلام وكلّهم قلوب حجاره نهب قتل في سلوهم يعني شطاره ما فيش ضمير ما فيش إلاه ما فيش حتى كبير في حاره أي جاني في قلبه صخره أي جاني شيطان رجيم مهما نحكي مهما ننصح يسمعنا ليه ؟ هو احنّا مين ؟ اتكلم .. أرجوك اتكلم دي قلوب متتهدش أطفال في قاع البحر والجاني متهزش ريان أكيد بصرخته شق قلب الحجر بعتله في ثواني محمد أخوه .. يسليه في المطر ما شافش عمق النيل ولا شاف الحكايه خطر كان الجاني متكيف شاف النيل بركة مطر وعقله طبعاً لا ودّا ولا جاب دا قلبه تلج بلون الهباب لا قادر يفرق بين فرح وعذاب ولا فكّر في أم بموّتها الغياب هتعمل أيه لمّا تعرف إن بكره إندبح وان أكبر حلم في حياتها إتحول شبح وألبوم ذكريات أولادها أبشع أنواع العذاب وان شمس حياتها الجايه صبحت ضباب اتكلم .. اتكلم وموت بعدها ارحم زوجتك المسكينه وأمك الجده الحزينه وقلب أطفال المدينه وان كانت تمثليه والدور عليك كبير أيه آخرة القضيه تعبنا م التفكير وان كنت انت القاتل يبقى الحنان انتهى وهكتبلك مليون قصيده بس في وقتها .