أولا أنا لا أعرف من هى أخت ابن الأستاذ / حمدى الفخرانى ولا أعرف الأستاذ / حمدى الفخرانى إلا من التلفزيون والجرائد وانه كان عضر مجلس شعب سابقا ... ولكن - كلام أخت ابن الأستاذ / حمدى الفخرانى لازم يؤخذ بجدية من جميع المسئولين وبخاصة أولئك المسئولين عن أنظمة الاتصالات والمعلومات .. وأمن الوطن والمواطن فى الدولة من وزارة التعليم .. والصحة.. والثقافة .. وأجهزة الأمن .. والإعلام ... والوزارة بجلها ...! لا يجب التهاون .. ولا التهوين من هذا الأمر ..! أطفالكم فى خطر حقيقي من برامج النت .. ولعب الموبيلات .. والمواقع الإباحية .. وهلم جرا. واقروا ما قالته بنت الفخراني وما نشرته جريدة المصريون صباح الاربعاء 4 إبريل 2018م وإليكم الرابط : ------ http://msryon.com/story/1161768/%D8%B4%D8%A7%D9%87%D8%AF-%D8%A3%D9%88%D8%B1%D8%A7%D9%82-%D9%86%D8%AC%D9%84-%D8%A7%D9%84%D9%81%D8%AE%D8%B1%D8%A7%D9%86%D9%8A-%D8%A7%D9%84%D8%AA%D9%8A-%D8%AF%D9%88%D9%86-%D9%81%D9%8A%D9%87%D8%A7-%D8%B3%D8%A8%D8%A8-%D8%A7%D9%86%D8%AA%D8%AD%D8%A7%D8%B1%D9%87 وفيه : 1- قالت : *** المهم بقى مافيش حد يسيب موبايلات لولاده في الأوض بالليل .. الموبايلات واللابات تتلم بالليل .. ويلعبوا قدامكموا .. مافيش باسووردات ... وفهموهم بالراحة وبالحب ... مش بالعافية .. ولا بالشخط ... علشان في مليون طريقة .. وحد .. ومكان .. ممكن يوصلوا منه .. وفي لعبة اسمها مريم برضو شبيهة .. وأكيد هيطلع مليون نوع .. وحتى الزفتة دي يغيروا اسمها بس .. أخويا كان مشغل قرآن كمان وقتها ... وكاتب أدعية حواليه في كل حتة ... وبرضو هي اللي غلبته ... وحالات كتييييير طلعت ماتت منها .. بالله عليكم السن الصغير اللي عنده فضول ده بالذات .. ماحدش يسيبله موبايل .. أو أي لاب لوحده .. هي عاملة زي المسابقات ... بتاعة الأسئلة التافهة .. اللي تفضل تجرجرك لغاية ما تخلص الرصيد .. نفس الفكرة تقريبا .. بس بتسيطر على عقلك .. وانشروا لو سمحتم الكلام ده ... وادعوا لأخويا حبيبي ولينا ". 2- وقالت : أخويا لعب الحوت الأزرق .. لقينا في أوراقه حاجات ... وإشارات منها : 1- أبوس ايديكم بلاش تحدي .. ولا حد يعمل جدع ويجرب .. 2- والله ما كان في حد أقوى من خالد ... ولا ملتزم دينيا اكتر منه ... 3- هو اتحداها ... وغلبته.. 4- ما كانش ..والله بيفوت ... فرض ولا نفل ولا صوم نفل ... ولا بتاع بنات ولا سجاير ولا فيه غلطة .. ايده معانا كلنا حتى في شغل البيت .. كان أرجل واحد أعرفه .. ما كانش أخ نطع .. ولا ابن نطع .. ولا جار سوء .. ولا صاحب سوء .. 5- اللعبة اتحداها وغلبته .. دي واحدة فيها صراحة رسمة الحوت وفي غيرها". ومن هنا ، وبعد ذلك الكلام الذى قالته بنت الفخراني .. ونشرته جريدة المصريون .. لا نريد من أحدهم أن يترك المشكلة ويقف من الولد وانتحاره موقف سلبي .. فيغسل يديه من الجريمة التى يرتكبها المجتمع كل يوم فى حق أبنائه سواء الأب .. أو الأم .. والمجتمع بصفة عامة ... من المنزل .. والمدرسة .. والمسجد .. والكنيسة .. ووزارات الشباب .. والثقافة .. والتعليم .. والصحة .. ودور النشر .. وكل ما يتصل بتكوين عقول الشباب .. ! لا تتهاونوا .. واحذروا من مصائب النت والموبيلات .. المسألة ليست فقط صفحات الفيس بوك والتواصل الاجتماعي يا مجلس النواب .. المسألة أكبر من حجم جماعة من النواب لا يعرفون إلا ما يملى عليهم ... ! مشاكل المصريين تتزايد كل لحظة ... وتزداد الحاجة إلى وزارة جديدة .. متعلمه .. وعالمة .. ومتحضرة .. وراقية .. أقصد وزارة لها هوية مصرية عربية إسلامية.. أقصد ليست وزارة فرعونية .. أو غربية .. ولا ثقافة فرعونية .. أو غربية .. ولا حضارة فرعونية... أو غربية .. وأيضا يجب على مذيعى الإعلام أن يتخلقوا بأخلاق الدين .. وكذا مقدمى البرامج ومعلقى الكرة ... يعنى بلاش تلك الصفات السيئة التى توصف بها فرق الكرة المصرية ... فريق الشاطبين الحمر.. وفريق الفراعنة .. وهلم جرا .. ! كفانا سفاهة مذيعى التوك شو .. ومقاهى القنوات التفزيونية المسخرة .. ! أليست الكلمة الطيبة صدقة ؟ أم أنكم كالببغاوات ترددون وتقولون ما لا تعملون ؟! ( وعلى الله قصد السبيل ) دكتور / عبد العزيز أبو مندور [email protected] ******
