أنا أم علشان أنا أم لأطفال أشرب العذاب ألوان نفسى أعيش الحياه من غير هوان ولاقلت ولا أقول لوأعيش الحياه فى منتهى العز و الجاه وأعيش عز وفخفخه فى الحياه عايزه لما ابنى يمرض أروح به مستشفى تعمل له فوراً التحاليل والأشعة المناسبه له لكن أحتار فى مرضه وأشوف ليالى،مرار ولا أعرف ابنى به ايه ومن فيه علشان أنا أم لأطفال أشرب العذاب ألوان ولاألبس ولا أكل وأعيش فى هوان أحب أعيش الحياه من غير هوان ولا بقول فى منتهى الجاه وعز وفخفخه فى الحياه عايزه عيالى يلمس جسدهم لبس جديد،هدوم جديده تفرح قلب عيالى وتسر عينهم تكون بأسعار مقبوله وفيها المفيد ليه يبقى محكوم على أولادى تلبس ملابس ناس غريبه لبسوها قبلهم عايزه أصحى من النوم ولا أتحير ولا أقول تأكل عيالى إيه النهارده وعلشان عندى عيال أعيش فى جوع وحرمان أنا من دم ولحم وروح ونفسى أعيش الحياه بما يرضى الله أنا مش متبطره على عيشتى ولا كارهه عيشتى لكن حقى أعيش حياه ترضى ضماير الإنسانيه أجى على صحتى علشان خاطر عيالى وأجى على نفسى علشان خاطر عيالى عايزه ألبس دهب فى ايدى نفسى أجدد عفش بيتى عايزه ما أشيل هم بكره وعايزه سكن لعيالى لما تكبر عنيه تعبت من زخارف الدنيا خلاص عايزه لعيالى عيشه هنيه وفرحه عيالى وهناوتهم عندى بالدنيا والبلاء يطولنى ولا يطولهم ثانيه وكل أملى بالدنيا عايزين نعيش الحياه أنا وعيالى بما يرضى الله،والله على كل ظالم علشان ربنا بنا عالم ولمرار الأيام بستسلم وأبتسم لعيالى وأنا بتألم هانم داود