بمجرد إعلان جيش كوريا الشمالية أنه حصل على موافقة نهائية لشن ضربات "لا هوادة فيها" على الولاياتالمتحدة تشمل إمكانية استخدام الأسلحة النووية "المتطورة".. انطلقت نكات وسخرية المصريين كعادتهم في أي حدث.. .. .. من كثرة "الألش" على كيم جونج أون رئيس كوريا حذر البعض بسخرية أنه لو شاهد سخرية المصريين منه سيضربنا بدلا من أمريكا.. وفي كوميكس آخر يقول كيم" أبوس ايديكوا يا مصريين العملية مش ناقصة تسخين"، كما سخر المصريون من صغر سن رئيس كوريا ومن حجمه وتشبيهه بأحمد رزق" مايغركش الخدود ده النووي موجود"، كما سخروا من وجه الكوريين المتشابه" أنا اللي صعبان عليا جنود أمريكا كل ما يقتلوا واحد كوري ويشوفوا واحد تاني يقولوا أنا مش لسه قاتلك من شوية". .. .. وكانت السخرية أيضا من أوباما وتشبيهه بأنه "جاب ورا"، وقال أوباما" يا سلام لو كيم يشرب كوباية لمون ويهدي أعصابه ويرجع في قراره.. أه والله.. أه والله.. أه والله". .. .. كما تم ربط إعلان كوريا الحرب بالأحداث في مصر، وقالوا" أنا متشائم جدا جدا بيقولك بقى لما النووي ده بيعدي من فوق مصر الهوا بيطيره بيعمل تغييرات جينية.. البلد كلها هاتبقي زي الصين.. يا نهار أزرق مش هانعرف مين ليبرالي من علماني من إخواني وهانعيش عمرنا كله ندور على الطرف التالت وتروح تنتخب صباحي يطلع في الآخر مرسي بس حالق ذقنه". .. .. وكوميكس آخر يقول" أبو إسماعيل يهدد كوريا.. اللي هيقرب من بيت ماما في أمريكا هحاصر مدينة الإنتاج الإعلامي تاني" وكوميكس آخر علي لسان صفوت حجازي " عندما رأيت كوريا الشمالية تهدد بحرب مع أمريكا.. علمت أن الإسلام قد دخل كوريا" كما تم تركيب فيديو تظهر فيه مذيعة كورية تعلن أن بلدها قررت وبناء على طلب المصريين ضرب المقطم، وأعلنت" الصاروخ رشق الحمد لله ويطالب الرئيس كيم المصريين "كفاية بهدلة لحد كده بقي العملية مش ناقصة تسخين مع أمريكا أبوس أيديكم".