بعد ألف مبروك وربنا يتمم بخير ... ح نحاول نشاركك فرحتك و نساعدك في اختيار شبكتك ، والسنة دى الموضة فى الشبكة رجعت تانى لأيام زمان ، أحجار كريمة و دهب معتق ... دلايات و بروشات ، أحمد زايد مصمم المجوهرات يقول أن موضة المجوهرات في العالم السنة دي مزيج بين الأصالة والبساطة ... و ناس كتير في دول أوروبية خلقت تقليعة لطيفة في الموضوع ده ، و هي انهم بدأوا يشتروا قطع قديمة من مجوهرات جداتهم بيرجع تاريخها ل100 سنة مثلاً و يلبسوها يوم زفافهم ، و دي طبعا فكرة " مطرقعة " ممكن تجربيها ، و وأيضاً الموضة هى الدهب الأبيض ... و الألوان الممزوجة مع الذهب الأبيض و الأصفر بتناسب جدا البنت اللي شخصيتها جريئة ... الكلمات العربي و الرسومات الأسلامية موضة " آخر حاجة " في عالم المجوهرات ... عموماً .. تعالوا نتفرج على أبرز تصميمات أطقم مجوهرات 2010 والتى تعرضها الفنانة الشابة دنيا .