السكة مفروشة تيجان الفل والنرجس والقبة صهوة فرس عليها الخضر بيبرجس والمشربية عرايس بتبكي والبكا مشروع مين دا اللي نايم وساكت والسكات مسموع سيدنا الحسين والا صلاح الدين والا الإمام دستور ياحراس المقام ولا الكلام بالشكل ده ممنوع على العموم أنا مش ضليع في علوم الانضباط أبويا كان مسلم صحيح وكان غبي وكان يصلي ع النبي عند الغضب والانبساط أبويا كان فلاح تعيس في ليلة ضلمة خلفوه وفى خرقة سوده لفلفوه وفى عيشة غبرا طلعوه ولصموه وطلسموه ودجنوه وجهزوه وجوزه على عماه فكان محير في هواه ما بين أمي وما بين الجاموسة وكان يخاف يقتل ناموسة وكان خجول... خجول... خجول لكنه كان دايما يقول أستغفر الله العظيم من باب الاحتياط أبويا طلعتوه حمار فكان طبيعي يجيبني جحش لا أعرف نبي من أجنبي ولا مين ماجاش ولا فين ماراحش احمد فؤاد نجم موسى نبي عيسى نبي ويا قلبي صلي ع النبي وكل وقت وله أدان وكل عصر وله نبي واحنا نبينا كده من ضلعنا نابت لا من سماهم وقع ولا من مرة شابت ولا انخسف له القمر ولاالنجوم غابت أبوه صعيدي وفهم قام طلعه ظابط ظبط على قدنا وع المزاج ظابط فاجومي من جنسنا مالوش مرة سابت فلاح قليل الحيا إذا الكلاب عابت ولا يطاطيش للعدا مهما السهام صابت عمل حاجات معجزة وحاجات كثير خابت وعاش ومات وسطنا على طبعنا ثابت وإن كان جرح قلبنا كل الجراح طابت ولا يطولوه العدا مهمها الأمور جابت