أثار القبض على طالب جامعي من أمام جامعة القاهرة بحوزته "دبوس حريمي" مكتوب عليه "انتصارك بكرة جاي" ، غضب وسخرية نشطاء مواقع التواصل الاجتماعي . كما وتسائل العديد من النشطاء عن سبب القبض على الطالب فمثلا مصري يقول " طب أنتوا قبضوا عليه عشان الدبوس حريمي ولا عشان مكتوب عليه "انتصارك بكره جاى" ؟!! . وعلا تسخر قائلة " طب أنا حاطه دبوس (دلوعة الحج) فى خطر عليا ولا أشيله . أما محمود فيقول " هل هيتحاكم الطالب بالتهمه دي ولا هيلبس تهمه تانيه ؟ . أما عادل فيستنكر ويقول " يعني بتقبضوا علي طالب جامعي علشان حاطط دبوس حريمي مكتوب عليه (انتصارك بكره جاي) ، و سايبين شويه شواذ ماشيين في الشوارع لابسين بنطلونات حريمي " . وأحمد يرى " أن الداخليه صاحيه و فايقه وواعيه و عمله حملة أمنيه و جمعت أخبار و استخبارا و أكمنه متفرقه و مجتمعه لحد ما قدرت تقبض علي المجرم عتيد الإجرام حامل الدبوس الحريمي " . وحسن يقول "شكلكم مش واخدين بالكم ،هو مش قال:وبكرة تشوفوا مصر !! أهو دي إللي بيحصل بالضبط ، ولسه ياما في الجراب يا حاوي " . وياسمين تتساءل " لو معايا دبوس رجالي مكتوب عليه احلم معايا هتحبس ؟ " . وعمر يقول " طيب ما يمسكو حمزه نمره علشان هو اللى مغنى الأغنيه أحسن " وأشرف يقول " الدبوس الحريمى عورة ولا أيه " . يذكر أنه تم القبض قبل هذه الواقعة على طالب في محيط جامعة القاهرة، بحوزته رواية بعنوان (1984) للكاتب جورج أوريل، يتحدث فيها عن الأنظمة العسكرية الفاسدة التى تحكم البلاد بديكتاتورية». وسارة تقول " أصبحنا في زمن الدبوس والروايات احراز ضد حامليها " . كما ودشن عدد من النشطاء هاشتاج يحمل اسم " انتصارك بكرة جاي " .