سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
نشطاء يسخرون من القبض على طالب بسبب دبوس كُتب عليه "انتصارك بكرة جاي".. "ميدو": متشبه بالنساء!.. أحمد: "هما قبضوا عليه علشان الدبوس حريمي ولا علشان هو طالب؟!".. سوسن: "دي شفرة أبلة فاهيتا"
أثارت عملية القبض على طالب جامعي بسبب "دبوس" كُتب عليه "انتصارك بكرة جاي"، حالة من السخرية اللاذعة لدى نشطاء موقعي التواصل الاجتماعي "فيس بوك وتويتر". ويأتي ذلك بعد يوم واحد من القبض على طالب بجامعة القاهرة بسبب حيازته لرواية "1984" للكاتب الإنجليزي "جورج أورويل". وقال حسام السكري: "بالنسبة لخبر إلقاء القبض على طالب وبحوزته دبوس طرحة مكتوب عليه (انتصارك بكرة جاي)، أنا في انتظار نقاش حاد يكشف فيه بعض الزملاء أنهم اتصلوا بالداخلية وتبين أن الصحيفة تكذب لأن: الدبوس مش حريمي، أو المكتوب: انتصارك بعد بكره جاي، أوانتصارك بعد بكره رايح... يا أخي الداخلية دي مظلومة بشكل". وأضاف عماد سيد: "مباحث الجيزة تتمكن من ضبط طالب أمام جامعة القاهرة، عثرت بحوزته على دبوس مكتوب عليه (انتصارك بكرة جاي) يخص طرحة حريمي". وأكد "Just_Me_Mido": " طب ده لا معاه فلاشات ولا هاردات ولا موبايلات ولا كشاكيل فيها طريقة عمل الخلافة.. ده دبوس طرحة.. متشبه بالنساء؟!!". وقال مصطفى عيسى: "الطالب اللى اتمسك معاه دبوس طرحة مش لازم يتعرض على النيابة.. دة لازم يتعرض على دكتور يظبّطله خلل الهرمونات دة". وأضافت "أماني 207 ": " مش معقول الاخبار دي تكون بجد !! ضبط طالب بحوزته دبوس حريمي مكتوب عليه (انتصارك بكرة جاي)". وأكد مهاب الجوادي: "النهاردة قبضوا على واحد معاه دبوس حريمي مكتوب عليه (انتصارك بكرة جاي) ومنعوا مدرسة من التعيين عشان اسمها "رابعة". وقالت نها محمد: " ضبط طالب بحوزته دبوس حريمي مكتوب عليه "انتصارك بكرة جاي.. اوووو ازاي تبقى معاه حاجة زي دي". وأضاف المصري:" في خطوه جاده لدحر الإرهاب.. ضبط طالب بحوزته دبوس حريمي مكتوب عليه (انتصارك بكرة جاي) عندما تعجز عن التعبير". وقال مصطفى الفايدي: " ضبط طالب معاه دبوس حريمي مكتوب عليه "انتصارك بكرة جاي.. جمهورية مصر العربية الابتدائية بنين.. أول تعليق". وأضاف أحمد الشحات:"ضبط طالب بحوزته دبوس حريمي مكتوب عليه (انتصارك بكرة جاي).. قبضوا عليه عشان الدبوس حريمى ولا عشان هو طالب؟". وقالت سوسن غريب ":" دولة الدبابيس.. ده في أنهى قانون لمواخذه ؟ دبوس طرحه"، كما قال فتحي هلال " انتي عارفه ايه خطورة دبوس مكتوب عليه انتصارك بكره جاي... دي شفرة ابله فاهيتا ياجماعه انتم فاكرينا نايمين".